Hugleiðingar Einars Hlö - bloggers dagsins í dag

2003-06-28T23:55:00.000Z

Dave Grohl söngvari Foo Fighters í Eyjum
Kíkti á slingerinn og sá myndir sem hann tók af Jónsmessugleði ÍBV í Fiskiðjusundinu fyrir ca 2 vikum síðan. Þar sá ég að Dave Grohl söngvari og gítarleikari stórhljómsveitarinnar Foo Fighters, og fyrrverandi trommuleikari Nirvana, hafði mætt á staðinn þótt ég hafi ekki tekið eftir honum þar. Greinilegt er að hróður Jónsmessuhátíðarinnar berst víða og einnig er greinilegt að Dave hefur ákveðið að kíkja á litla Íslandið áður en hann kemur aftur í ágúst með hljómsveit sína að spila í Laugardalshöll. Auðvitað valdi okkar maður Vestmannaeyjar til að kíkja á, enda hefur hróður Eyjanna borist víða, fyrir utan það að vera besti staður á Íslandi. Smellið á myndina fyrir stærri mynd.

2003-06-18T21:33:00.000Z

Fresta
Frestun frestun frestun. Mikið er maður þreyttur á þessum frestunum. Hafiði pælt í þessu orði, fresta? Þetta er mjög svo skrýtið og leiðinlegt orð. Ekki merkingin endilega heldur bara orðið sjálft, fresta. Minnir mann óneitanlega á Ford Fiesta eða síesta, er það ekki hvíldartíminn hjá spanjólum? Síesta.. Hvað myndu menn gera ef spanjóli kæmi á Ford Fiesta nýbúinn með síestuna sína og myndi tilkynna að búið væri að fresta leiknum... þá held ég að yrði uppi fótur og fit svei mér þá...

2003-06-17T13:25:00.000Z

Skrýtinn heimur
Ég hef áhyggjur af félögum mínum í ÍBV liðinu. Flestir eru þeir alltof rólegir og sérstakir, sumir hverjir kolklikkaðir og hafa margir mjög lélegan eða amk skrýtinn tónlistarsmekk. Um daginn ákvað ég að skrifa disk með nokkrum lögum til að peppa menn upp fyrir leiki. Ég spurði að gamni flesta í liðinu hvaða lag þeir myndu vilja fá á diskinn og ætlaði svo að moða eitthvað úr öllu saman. Nokkrir vildu Stebba Hilmars á diskinn. Ég átti ekki orð. Stebbi er svo sem ágætur en common... fyrir leiki? Sumir völdu góð lög sem fóru á diskinn aðrir völdu léleg lög sem fóru ekki á diskinn. Ég ákvað það að hafa diskinn í þyngri kantinum enda eru það mestu pepplögin. Engin dauðrokkslög þó enda er það viðbjóður, heldur bara góðar og æsandi rokkballöður. Maður á helst að fara út á völlinn þannig að manni langi að drepa andstæðinginn. Diskurinn var spilaður fyrir síðasta leik. Nokkrir samherja minna fóru að væla. Þeir vildu fá Stebba en ekki þessa graðhestamúsik. Aðrir fóru líka að væla. Þeir vældu yfir því að ég hafi ekki sett lögin hjá öllum inná diskinn, þrátt fyrir að þeir sjálfir hafi fengið sitt eigið lag. Ég mátti nefnilega ekki velja meira en eitt lag. Bíddu var það ekki ég sem ákvað það að búa til þennan disk? Ég kallaði þá vælara og sagði þá klikkaða. Fyrir leikinn sem núna er framundan héldu þeir enn áfram að væla. Af hverju bjuggu þeir ekki til sinn eigin disk? En ég gaf eftir og bjó til nýjan disk. Fyrsta lagið er Svarthvíta hetjan mín með Dúkkulísunum.

2003-06-17T11:16:00.000Z

Lag dagsins
Lag dagsins í dag er tileinkað Gumma félaga mínum og stórfrænda en það er lagið Don´t Stop með Fleetwood Mac

2003-06-17T00:24:00.000Z

Suð
Suð er ekki gott. Suð er pirrandi og gæti auðveldlega gengið af mönnum dauðum, hefur eflaust gert það. Þess vegna hef ég ákveðið að fá mér nýja hátalara í bílinn, innanpíkubleika Polo-inn eða "The Pink Bitch" eins og einhver tjallaskrattinn hafði á orði. Frumkvöðlahátalarar skulu það vera. Ekki verra að fá sér bara nýjan geislaspilara í bílinn líka, svona í tilefni af væntanlegu suðleysi. Þá er alveg eins gott að fara bara alla leið og fá sér geislaspilara sem spilar MP3 líka, já svei mér þá ég held það bara. Og frumkvöðlaspilari skal hann heita.

2003-06-16T22:28:00.000Z

Hringsnúningur hugsana
Lítið hefur verið bloggað hér inn síðustu misseri og er það fyrst og fremst vegna mikilla anna hjá einsanum og svo þegar loks gefst tími þá hefur þessi yndislega síða mín sem veitt hefur mörgum manninum huggun í amstri hversdagsins, fengið að sitja aftarlega í þessari svokallaðri forgangsröð. Hef ég fengið þónokkrar skammir fyrir vikið enda þolir sálartetur fólks ekki mikið lengi við án hlöbbans. Þykir mér vænt að sjá að ég skuli virkilega vera huggun harmi gegn og gaman að því. Einnig hefur sálartetur mitt ekki gott af slíkum gloppum því að hugleiðingar mínar og hugsanir hafa fremur hringsnúist í haus mínum heldur en að enda á blogger.com þar sem þær fara vanalega rakleiðis á einsakalda og er það ekki góðs viti að byrgja inní sér pælingar meistara og held ég að ef Albertinn hefði haft bloggerinn þá hefði hann nú lifað lengur og betur. En skal ég nú reyna að taka mig á og halda áfram að sletta hér inn visku úr mínum viskubrunni og vona að þið haldið áfram að njóta góðs af. Til gamans má geta að þennan stutta pistil varð ég að skrifa tvisvar sinnum vegna þess að blogger.com er tól djöfulsins og ekki í fyrsta skipti sem ég hef skrifað heilu ræðurnar hér inn og allt dottið út fyrir djöfulgang og guðlast. En aldrei þessu vant er ég ekkert reiður þrátt fyrir að hafa ekki munað nándar nærri allann pistilinn því ég er mjög svo afslappaður í kvöld, af hverju veit ég ei. En ég ætla nú samt að gera ctrl+a og svo ctrl+c áður en ég posta þessum pistli. Því eins og einhver sagði, pistill kemur jú í pistils stað. Peace.

2003-06-15T21:02:00.000Z

Dubious
Eins og ég hef alltaf sagt þá er ég algjör engill. Það virðast bara engir aðrir sjá það en ég... tók smá glæpatest og hérna er útkoman...

Bet you didn't think you'd be on the wrong side of the law when you started this quiz? Thought you were sweet and innocent? Well maybe you should swot up on the law. Otherwise you never know when you might get a knock on the door…

Based on your answers, we have calculated the maximum penalty for your crimes*:

Years in prison: 13 Potential fine: £5000

http://www.thesite.org/magazine/dodgy.html

2003-06-14T15:47:00.000Z

KA-KR í Landsbankadeild karla - ferðasagan
Það var fríður flokkur spariklæddra manna sem mætti út á Reykjavíkurflugvöll um kl. 13:30 í gær. Ókunnugir töldu í fyrstu að stuttbuxnadeild Sjálfstæðisflokksins væri hér á ferð, en við nánari eftirgrennslan kom í ljós að hér fór meistaraflokkur KR ásamt fylgdarliði alls um 20 manns.
Létt var yfir mannskapnum, Skagastrákarnir brosandi út að eyrum, Stjörnustrákurinn langi að vísu nokkuð óöruggur með sig og hélt sig því í námunda við Víkingin valinkunna og aðrir málaliðar voru "ló Prófæl", en Kr-ingarnir litu flóttalega í kringum sig af ótta við að vera sendir á Siglufjörð.
Hvað um það þá voru allir í stuði, enda léttur æfingaleikur framundan, og Willum las upp af spjallsíðunni um "Norðlenska kjötkássu" o.fl. við gríðarlegan fögnuð viðstaddra.
Skömmu síðar var kallað út í vél og gengu menn fylktu liði á vit ævintýranna fullvissir um það að nú væri "titillinn okkar í ár". Þegar flugvélin var komin á loft benti foringinn út um glugga vélarinnar sem snéri í norður og lýsti því yfir að innan fárra ára væri búið að kaupa allt norðurkjördæmi Reykjavíkur og sameina Stórveldinu því maður einn í Laugarásnum hefði þann draum heitastan að kaupa upp alla samkeppni á markaðnum og sitja þ.a.l. einn að öllum titlum. "Kaupir hann þá KSÍ líka ?" spurði einhver. "Við eigum KSÍ" sagði Siggi Raggi og hló. Ýmislegt annað var skrafað og skeggrætt á leiðinni, enda sigurvíman farin að renna á menn, þó enn væru rúmir fimm tímar í leik, og yfir miðhálendinu kynntu tvíburarnir nýjustu fatalínu og “hár-lúkk” sem í vændum er í sumar og haust.
Þegar til Akureyrar kom drifu menn sig uppí langferðabifreið sem beið liðsins, enda fátt um límósínur úti á landi og því örþrifaráð að nota almúgafarartæki fyrir stjörnurnar. Á leiðinni mátti sjá blika á tár á hvörmum KA-drengsins í hópnum þegar hann fór höndum um silfurpeningana 30 sem hann fékk frá veldinu við undirritun samningsins í vetur, - en hinir voru í banastuði. Þegar inn í miðbæ Akureyrar kom mátti heyra einstaka “fuss og svei” meðal þeirra leikmanna sem ekki eru fæddir og uppaldir á landsbyggðinni eða fyrir austan Læk og þess strengd heit að fella þetta bæjarfélag úr efstu deild hið fyrsta þannig að ekki þyrfti að óhreinka Armaní jakkafötin í svona “pleisi”.
Tíminn leið og eftir stuttan og snarpan töflufund þar sem rifjaðir voru upp glæstir sigrar félagsins og hlegið að gengi annarra liða í deildinni dreifðu menn sér um bæinn, ýmist inn í tískuvöruverslanir, úra og skartgripabúðir eða inn á veitingahús.
Um sexleitið fóru leikmenn að tínast á leikstað hver af öðrum hlaðnir pinklum og pökkum. Farið var yfir siguráætlunina, hverjir ættu að skora, hverjir mættu sóla og hverja ætti að tækla í þessum leik. Leikmenn hófu nú að klæða sig, en fimm mínútum fyrir leik uppgötvaðist að allir fótboltaskór liðsins höfðu orðið eftir hjá skóburstunardeild félagsins í Frostaskjóli og því voru góð ráð dýr. Búið var að loka í KEA (enda ekki réttu sortirnar þar að fá) þannig að Willum hvað upp úr með það að í stað þess að vaða yfir vesalings KA-mennina á skítugum skónum mætti alveg eins gera það á spariskónum. Arnar benti á að hans skór, sem eru sérsaumaðir ítalskir leðurskór, kostuðu á bilinu 50 til 60 þúsund krónur og teldi því betra að vera bara á Versace sokkunum einum saman. Á þetta var fallist og því allt klárt fyrir þennan málamynda leik.

Góðar stundir.

Tekið af spjallsíðu gras.is, þvílík snilld!

2003-06-09T21:10:00.000Z

Bloggi...
bloggi bloggi bloggi blogg

2003-05-31T15:27:00.000Z

Nýr Eyjavefur
Nýr fréttavefur um Vestmannaeyjar er kominn á laggirnar, eyjar.net. Síðan er á allan hátt glæsileg og er uppfærð reglulega og meira að segja þó nokkuð oft. Eyjafrettir.is hefur í nokkur ár verið helsti fréttamiðill Eyjanna á netinu en hefur að mínu viti aldrei sinnt því hlutverki vel. Þar er lítið uppfært, fréttirnar eru stuttar og útlitið á vefnum hreinlega fráhrindandi. En eyjar.net er mun betri og er gaman að sjá þetta framtak hjá þeim sem kostar þessa síðu, en það er víst algjört hernaðarleyndarmál, þótt ótrúlegt sé. Hafa heyrst raddir sem segja að V-listinn kosti þessa síðu en um það ætla ég ekki að fullyrða neitt né um aðrar sögur sem á kreiki hafa verið. Það fyndnasta við þetta er að Jóhann Ólafur Guðmundsson formaður ungra Jafnaðarmanna hér í bæ og jafnframt hönnuður eyjar.net, ætlaði sér svo sannarlega að gera þennan vef að pólitískum áróðri gegn Sjálfstæðisflokknum og setti hann m.a. inn fréttir undir fyrirsögnunum: "Sögulegur sigur Samfylkingarinnar" og "Gamanleikur Sjálfstæðismanna heldur áfram í bæjarstjórn". Er með ólíkindum að maðurinn hafi haldið að fréttavefur um Vestmannaeyjar gæti orðið að pólitískum áróðri fyrir hann og hans flokk. Enda varð honum ekki kápan úr því klæðinu frekar en endranær og varð að gjöra svo vel að eyða þessum fréttum út (hehe). Þetta gæti meira að segja ýtt undir þær sögusagnir að V-listinn sé að kosta þessa síðu, eða hvað? Fyrir mér skiptir ekki máli í sjálfu sér, hver það er sem kostar síðuna bara á meðan hún helst gangandi því þarna er um brýnt verkefni að ræða sem eyjafrettir.is hefur ekki sinnt sem skyldi. Umsjónarmaður síðunnar er enginn annar en Guðfaðirinn Jóhann Ingi Árnason og vona ég að hann og hans "bakhjarlar" haldi þessari síðu út vel og lengi.

2003-05-31T12:39:00.000Z

Viðtöl
Já eins og ég hef sagt áður þá hef ég sent mörgum góðum mönnum og konum ósk um viðtal en ekki fengið svar frá mörgum. Einn af þessum aðilum er indverska prinsessan Leoncie og hún sannar það að sleikjuháttur virkar ekki alltaf.

Hi Leoncie!
First of all I´d like to say that I´ve heard few songs of yours and I kind of liked it.. also i´m sorry for all the racism
that you have seen here in Iceland but hopefully I´m not one of them :)
But the reason for this email is that I have a little website on the net, "blog" site, http://einsikaldi.blogspot.com
I´ve recently started with this "Interview corner" or whatever the english name is and I´m taking small interviews with
famous people..
This is 20-25 short questions and I was hoping that you could give me the honor to answer them.. the questions are in
the attachment file that comes with this email.

Best wishes from Vestman Island, Iceland
Einar H.

Það hefði nú verið gaman að fá response...

2003-05-29T18:53:00.000Z

Söltun!
Þá eru fyrstu stig okkar í landsbankadeildinni staðreynd. Sigur gegn Fylki á Hásteinsvellinum í dag, 1-0 í rjómablíðu og sól. Fyrir leikinn bjuggust kannski ekki margir við því að Eyjamenn myndu ríða feitum hesti frá þessum leik gegn Fylki því við höfum byrjað illa en Fylkismenn voru í efsta sæti fyrir þessa umferð með fullt hús. Það voru hins vegar nógu margir sem höfðu trú á því að við gætum riðið feitum hesti frá þessum leik. 22 leikmenn, þjálfarinn, aðstoðarþjálfarinn, stjórnin og svo að sjálfsögðu lukkutröllið okkar, hann Eyþór. Það þarf heldur ekkert fleiri heldur en þennan fjölda með hjartað á réttum stað, það hefur oft og mörgum sinnum sýnt sig.

En leikurinn gegn Fylki var virkilega góður. Kannski ekki best spilaði leikur ÍBV en það skiptir oft engu máli. 'I dag var liðið var vel skipulagt, menn voru þolinmóðir í sínum stöðum og baráttan var ótrúleg. Fylkismenn fengu ekki færi í leiknum og Eyjamenn unnu nánast allar tæklingar og alla skallabolta. Strákarnir lokuðu svæðum vel og Fylkismenn áttu í raun ekki breik í þessum leik, svo einfalt er það. Svo áttum við nokkrar mjög flottar sóknir í seinni hálfleik og Ian Jeffs skoraði úr einni slíkri eftir góða sendingu frá Stonemask.

Þetta sýnir bara hvað viljinn, baráttan og krafturinn fleytir manni langt í fótbolta og var alveg unaðslegt að fylgjast með strákunum hreinlega jarða Fylkismennina að Hásteini í dag, þó svo að við höfum bara skorað eitt mark þá voru Árbæingar saltaðir út um allan völl. Maður er bara hundfúll með að hafa ekki getað tekið þátt í þessu með þeim en svona er lífið.

Maður leiksins var liðið. Liðsheildin skilaði okkur þessum sigri, góð skipulagning og góður varnarleikur hjá öllu liðinu. Það er nefnilega oft auðvelt að skella skuldinni á öftustu fjóru mennina þegar illa gengur. Sérstaklega er það áberandi hjá mönnum sem hafa aldrei spilað sjálfir fótbolta, hvað þá verið í fjórum öftustu stöðunum að kenna varnarlínunni, þ.e. fjórum öftustu, um allt sem miður fer í varnarleiknum. En staðreyndin er hins vegar sú, og þeir sem hafa spilað fótbolta og þá aðallega vörn, vita að allt liðið verður að verjast vel, annars fer allt handaskolum. Ef sóknarmennirnir klikka í varnarleiknum þá gera þeir miðjumönnunum erfiðara fyrir. Ef sóknarmennirnir og miðjumennirnir klikka í varnarleiknum þá gerir það varnarmönnunum enn erfiðara fyrir o.s.frv. En í dag spilaði allt allt liðið góða vörn og það er einfaldlega lykillinn að árangri. Og Maggi þjálfari á hrós skilið fyrir taktíkina sem hann beitti í þessum leik. Hún gekk upp 100% og var lokað á allar sóknarlotur Fylkismanna með henni og þessi sigur var, ásamt miklum vinnusigri einnig mikill taktískur sigur. En það þýðir ekkert að hætta núna og byggja sér einhverjar skýjaborgir eftir þennan sigur. Þetta voru bara þrjú stig og nú er bara að éta Grindvíkingana á þriðjudaginn og hirða þar 3 stig.

ÁFRAM ÍBV!

2003-05-29T12:47:00.000Z

Ritzenhoff
Veit einhver hver eða hvað Ritzenhoff er? Jú það er nafnið á listamannaglösunum sem eru svo vinsæl í dag, þar hafiði það

2003-05-29T12:07:00.000Z

Leikur í dag...
Eftir nákvæmlega 2 tíma og 4 mínútur verður flautað til leiks ÍBV og Fylkis í Landsbankadeildinni í knattspyrnu. Það er algjör sumarblíða hér í Eyjum, heiðskýrt og sól og smá gola. Þar sem ég tognaði nokkuð illa í náranum þá er ég enn meiddur og því ekki í hópnum í dag og er svo fúll með þetta meiðsladrasl að ég gæti grafið mig ofaní jörðina og verið þar þangað til ég er orðinn heill aftur. En þótt ég vorkenni mér alveg svakalega mikið þá ætti ég nú svo sem ekki að vera að væla því félagi minn Palli Almars var svo óheppinn að slíta krossbönd í hnénu og getur ekki byrjað að æfa fyrr en um áramótin næstu þannig að ég held ég ætti bara að þegja eða amk grenja í hljóði...

En ég ætla að fá þann heiður að tilkynna byrjunarliðið á eftir og já, vera á undan ibv.is/fotbolti !!!
Birkir í markinu, Hjalti Jóh vinstri bak, Unnar hægri bak, Tryggvi hafsent, Tom hafsent (sweeper), Bjarnólfur djúpur á miðju, Bjarni Geir, Ian og Atli á miðjunni, Gunnar Heiðar og Stonemask frammi.

Vonandi fjölmennir fólk á leikinn og styður við bakið á okkur strákunum, það er einmitt það sem við þurfum eftir erfiða byrjun. Þeir sem hafa verið að kúka yfir liðið eru ekki sannir stuðningsmenn. Sýnið það nú að þið séuð SANNIR stuðningsmenn og styðjið okkur í einu og öllu, ekki bara þegar gengur vel, við getum vel unnið þetta Fylkislið. ÁFRAM ÍBV!

2003-05-29T11:58:00.000Z

Útskrifaður andskoti
Þá er skólagöngu minni í FÍV lokið. Henni lauk á giftusamlegan hátt á laugardaginn s.l. þegar ég ásamt 22 öðrum útskrifuðumst með pompi og pragt. Dagurinn var mjög fínn, útskriftin klukkan 11 um morguninn og ég er hundfúll með að hafa ekki fengið viðurkenningu fyrir félagsstörf. Ég var í stjórn NFFÍV tvö ár í röð, þar af eitt sem formaður og eru nú ekki margir djöflarnir sem hafa setið í tvö ár í þessu helvíti, hvað þá tvö ár í röð. Ef ég hefði verið á tímakaupi fyrir allar þær klukkustundir sem ég lagði í þetta þá væri ég ríkur maður í dag, nei ekki einasta að maður fái ekki tímakaup heldur fær maður ekki einu sinni viðurkenningu! Djöfulsins rugl! Þetta var eini svarti bletturinn á þessum degi.

En jæja hvað með það. Svo var veislan mín haldin á Heiðarvegi í gamla Snótarhúsinu og hún var öll hin glæsilegasta. Spes kokkur kom úr Reykjavík til að hjálpa til við matseldina, auk mömmu og tengdó og úr varð 6 rétta glæsilegt hlaðborð með öllu tilheyrandi. Fékk maður fullt af flottum gjöfum, 75 þús í beinhörðum peningum, 75 þús frá mömmu og pabba uppí fartölvu, fullt af flottum glösum, ilmvötnum og bara fullt af stórglæsilegu stöffi. Þakka bara öllum sem nenntu að koma í veisluna og einnig öllum þeim sem nenntu að gefa mér gjöf. Á enn eftir að fá eina gjöf, Camus XO koníaksflösku sem ég veit svei mér ekki hvort eitthvað verður úr en ég vona það allavega heitt og innilega þar sem koníak er jú eitt af 7 undrum veraldar.

Svo eftir veisluna kíkti ég aðeins á Snabbarann og svo heim til Gaua Manga þar sem var dreipt á örlitlu koníaki í boði Bigga Gaua og þar var heljar stuð alveg. Svo var haldið niðrí Akóges þar sem stúdentarnir voru með smá partý og þar var múgur og margmenni og allir skemmtu sér vel. Svo fór maður bara snemma heim enda lúinn eftir annasaman dag. En frábær dagur og frábær 4 ár í Framhaldsskólanum í Vestmannaeyjum, maður á innst inni eftir að sakna helvítins á ´onum (skólanum sko..).

2003-05-29T11:48:00.000Z

Hneyksli!
Ég get vart orða bundist yfir framkomu stjórnar kvennadeildar ÍBV í handbolta gagnvart Unni Sigmarsdóttur þjálfara liðsins. Ég á varla til orð og þegar ég sá svo grein um þetta í DV þá fannst mér ég verða að koma þessu á prent.

Unnur skilaði þremur titlum í hús á nýafstöðnu tímabili, sem er svo sem algjört aukaatriði í þessu máli, og það er ekki byrjað á að tala við hana varðandi næsta(u) tímabil! Það er algjör lágmarkskrafa af hendi hvaða liðs sem er að afgreiða strax þjálfarann sem fyrir er, alveg sama hvort þjálfarinn skeit á sig eða náði góðum árangri. Ef menn vilja nýjan samning við þjálfarann þá auðvitað er bara gengið frá því en ef menn vilja ekki hafa þjálfarann áfram þá á auðvitað að fara til hans og segja það beint út strax og fara svo að ræða við annan þjálfara. Þetta er svo ósvífið og ömurlegt að ég bara næ þessu ekki. Svo til að bíta höfuðið af skömminni þá ljúga þeir að Unni að þeir séu byrjaðir að tala við annan þjálfara þegar Unnur óskaði eftir að vita hvort svo væri. Hlynur Sigmars, Varði og allir þeir sem koma nálægt þessu eru minni menn nú en áður bæði í mínum augum og allra þeirra sem ég hef talað við um þetta mál.

Það er með ólíkindum að fylgjast með því hvernig staðið er að málum hér í Eyjum, eins og íþróttafréttamaður DV hafði á orði. Í fyrra var Njalli og Beta rekin og svo sem allt í lagi með það, en hvernig staðið var að þessu var ömurlegt. Maður hélt nú að menn hefðu lært á þessu í fyrra, nei þá kemur þessi djöfulsins vitleysa sem gerir ekkert annað en að skaða kvennahandboltann og það sem er verst, þetta skaðar félagið í heild og vona ég svo sannarlega að þessir menn sem áttu þarna hlut að máli skammist sín.

2003-05-22T19:31:00.000Z

Trúi þessu ekki!!!
Sturla áfram samgönguráðherra og Árni Mathiesen áfram sjávarútvegsráðherra!!!!!!!!!! Ég trúi þessu ekki !! Djöfulsins helvítis helvíti!!!! Þetta voru akkúrat þeir tveir menn sem þurftu nauðsynlega að fjúka. Fínt líka að losna við Sólveigu sem dómsmálaráðherra. En mikið óskaplega er ég sáttur við það að Þorgerður Katrín verður menntamálaráðherra, eftir einhvern tíma þó vegna barnsburðar.

En kræst... Sturla og Árni í 4 ár í viðbót.. úfff...

2003-05-20T13:25:00.000Z

Skondið...
Jón Þorgrímur Stefánsson leikmaður FH í Landsbankadeildinni:
"Þetta gerðist í USA , þar sem ég var í skóla Pensicola Florida. Ég slapp í gegn og komin einn á móti markverði , sóla hann og er að fara leggja boltan í netið þegar ég er nelgdur niður aftan frá , augljóslega víti og rautt , en dómarinn dæmir ekkert og gefur mér gult fyrir leikaraskap. Ég nátturulega trompast og blóta dómaranum í sand og ösku á Íslensku, þá labbar dómarinn að mér í rólegheitum og gefur mér beint rautt ,brosir og segir “ég var búsettur í keflavík í 10 ár” ég gat ekki sagt neitt þannig að ég sprakk úr hlátri. Hvaða líkur eru á því að hitta dómara í USA sem var í hernum á keflavíkurvelli og talaði betri íslensku en ég!!!"
Tekið af fotbolti.net

2003-05-20T13:04:00.000Z

Tilvitnun...
"Ég hef áhuga á stjórnmálum af aðeins einni ástæðu - að sá dagur renni upp að ég þarf ekki lengur að hafa áhuga á stjórnmálum" - Ayn Rand

2003-05-18T17:57:00.000Z

Grátlegt...
Þá er fyrsti leikur ÍBV í Landsbankadeildinni í sumar búinn. Leikurinn fór fram í dag kl. 14:00 á Hásteinsvelli og tókum við á móti KA mönnum. KA mönnum er spáð falli í sumar eða amk við fallsvæðið og ÍBV er einnig spáð neðarlega þannig að ljóst var að nokkuð áþekk lið myndu mætast að Hásteini í dag. Nokkur meiðsli voru í herbúðum beggja liða og hjá ÍBV voru Palli og Tryggvi meiddir auk þess sem Hjalti Jóh var tæpur auk nokkurra sem hafa verið að stíga upp úr meiðslum. Ég tók svo uppá því í vikunni að togna í náranum og vildi þjálfarinn ekki taka séns á að láta mig byrja þrátt fyrir að ég hafi sagt við hann að ég hafi viljað spila en ég ræð víst engu!! Svona er þetta bara og coachinn ræður að sjálfsögðu og kannski mun skynsamlegra að reyna að ná sér góðum af þessu því nárameiðsli eru allt annað en góð og geta menn verið frá bara í heilu vikurnar og mánuði ef þau verða langvarandi, sjáiði bara Kjartan Antons!

En leikurinn fór vel af stað og við rúlluðum yfir KA menn fyrstu 15-20 mínúturnar með spilamennsku sem sást sjaldan á síðasta tímabili. Hratt spil, menn á tánum, góð hreyfing á boltalausum mönnum og þar fram eftir götunum. Enda uppskárum við tvö góð mörk á fyrstu mínútunum. Þá datt botninn svolítið úr okkur og KA menn komust jafnt og þétt inní leikinn sem endaði með því að eitt mesta ógeð íslenskrar knattspyrnu, Hreinn Hringsson sem hlýtur að vera sonur Hrings Hringorms eða einhvers þaðan af verra, skoraði mjög gott mark eftir slæm mistök í vörninni. Bæði var hann spilaður réttstæður og svo vantaði aðeins uppá dekkninguna.

Þegar menn komu svo inná í seinni hálfleik var eins og menn héldu að þetta væri bara komið. En fótbolti virkar bara ekki þannig, því miður! Við vorum engan veginn tilbúnir í seinni hálfleikinn og KA menn tóku fljótlega völdin á vellinum. Svo fékk Bjarnólfur sitt seinna gula spjald og þar með rautt, einhverstaðar í kringum 60. mínútu og það hálfsló botninn úr tunnunni. Þetta var enginn veginn brot og engan veginn gult spjald en lélegasti maður vallarins, Egill Már Markússon kippti sér ekkert upp við það og rak Bjarnólf útaf. Egill kippti sér reyndar ekkert upp við hvað var rétt og hvað var rangt í þessum leik, hann virtist túlka reglurnar eftir sínu eigin höfði. En engu að síður var Bjarnólfur búinn að vera á gráa svæðinu í svolítinn tíma og Egill greip svo tækifærið og henti honum útaf. Eins og menn vita er með ólíkindum erfitt að vera einum manni færri í fótbolta þrátt fyrir að stundum hjálpi það. Það gerði það þó ekki í dag og við töpuðum leiknum grátlega 2-3 og þrátt fyrir að ég hafi ekki séð þessi tvö sjálfsmörk sem allir eru að tala um þá lítur bara út fyrir það að við höfum skorað 2 sjálfsmörk í dag sem er auðvitað merki um lánleysi dauðans!

En aðeins að Agli Má dómara. Eins og ég sagði hér framar þá virtist hann túlka reglurnar á köflum eftir eigin höfði. Það var alveg á hreinu frá upphafi að þetta dómaratríó ætlaði ekki að gefa okkur neitt og öll vafaatriði féllu KA mönnum í hag, og ég er ekkert að tala um einhverjar aukaspyrnur hér og þar heldur mjög krítísk vafaatriði.

- Nr. 1. Línuvörðurinn dæmir mark af okkur þegar Bjarni Geir skorar í stöðunni 2-1. Ekki var hægt að vera rangstæður í þessu tilviki þar sem Bjarni Geir stóð til móts við varnarvegginn er aukaspyrnan var tekin og þaraf leiðandi menn fyrir aftan!!
- Nr. 2. Í marki 2 hjá KA mönnum var einum manni hjá okkur haldið greinilega inní teig og farið svoleiðis í andlitið á honum að það sást alla leið uppá Klif. En Egill tók ekki eftir því frekar en öðru.
- Nr. 3. Hann rekur Bjarnólf útaf fyrir ekkert brot! Bjarnólfur tæklaði Þorvald Makan fyrr í leiknum sem þurfti að fara meiddur útaf og þá gaf hann Bjarnólfi ekki spjald en hann hefur greinilega ætlað sér að reka Bjarnólf útaf næst þegar hann fengi tækifæri. Þá er nú lágmark að bíða þangað til maðurinn myndi í það minnsta brjóta af sér!!!
- Nr. 4. Gunnari Heiðari var svo greinilega haldið inní vítateig KA manna í seinni hálfleik þegar hann var að sleppa einn inn fyrir að það hálfa væri nóg.
- Nr. 5 og 6. Tvisvar gerðist það í leiknum að boltinn fór greinilega í hönd KA manna inní þeirra eigin teig en ekkert dæmdi kryppildið.

Fleira mætti eflaust nefna en læt þetta duga í bili. En þegar allt kemur til alls þá var þetta ekki dómaradjöflinum að kenna heldur einfaldlega ótrúlegum klaufaskap og einbeitingarleysi, bæði varnarlega og sóknarlega því við áttum að klára þennan leik í fyrri hálfleik. En engu að síður þá blasir sú sorglega staðreynd við okkur Íslendingum að við eigum alltof marga ömurlega dómara sem eru að dæma í efstu deild og þetta þarf að fara að lagast, bara hreinlega fótboltans vegna. Egill Már, Gísli Jóhanns, Eyjólfur Ólafs og fleiri auk alveg gommu af þvílíkum pappakössum sem eru titlaðir aðstoðardómarar í dag eru til skammar fyrir íslenska knattspyrnu.

En þrátt fyrir að það hafi verið mjög slæmt að tapa þessum "skyldusigri" þá er þetta bara búið og nú eru menn bara farnir að einbeita sér að næsta leik, gegn Val á laugardaginn í Reykjavík. Það verður án efa erfiður leikur, Valsmenn eru sterkir og lögðu t.d. Grindvíkinga í fyrstu umferð. 17 leikir eftir og 51 stig eftir í pottinum! ;)

2003-05-17T00:14:00.000Z

Nýtt viðtal!
Heldur hefur dregist úr nýju viðtali hjá mér en það er vegna þess að fólk er fífl og margir hafa ekkert svarað mér, t.d. Leoncie, Birgitta Haukdal o.fl. I wonder why? Þetta eru bara plebbar hvort eð er. En ekki menn eins og Sveppi og fleiri góðir sem heldur hafa ekki svarað mér! Djöfull!! En jæja Simmi á Popp Tíví var svo elskulegur að svara viðtalinu mínu og því er hann næsti viðmælandi minn í viðtalshorninu... Sjá viðtal...

2003-05-14T20:33:00.000Z

Hverjir urðu sigurvegarar?
Nú er kosningum til Alþingis lokið og segja margir guði sé lof. Eins og allir vita þá hélt ríkisstjórnin velli og þökkuðu einnig margir guði fyrir það. Aftur á móti voru ekki allir jafnánægðir og ef vel var að gáð gat maður greint einstaka blótsyrði hér og þar og sumir hverjir fussuðu og sveiuðu, lái þeim hver sem vill.

Stuðningsmenn sem og flokkarnir hafa keppst við það undanfarna daga að lýsa yfir hverjir voru sigurvegarar í kosningunum og hefur verið heldur hjákátlegt á köflum að fylgjast með þeirri baráttu. Meira...

2003-05-14T16:17:00.000Z

Árskort árskort...
Árskort árskort hverjir vilja kaupa árskort???!!! Á 3 stykki eftir!! 8000 kall!!! Special price for you, special price for you!!!

2003-05-13T14:54:00.000Z

Ömurlegt
Var ekki viss um hvort ég átti að setja þetta hér inn þar sem ég þekki þá sem hlut áttu að máli sáralítið... en varðandi þetta hörmulega slys sem varð á laugardagsnóttina þá snerti þetta mig ekki síður en aðra og því langaði mér bara að votta öllum aðstandendum og vinum Önnu Ragnheiðar mína dýpstu samúð og ég vona innilega að Helga og Kristjana nái sér að fullu...

2003-05-13T14:38:00.000Z

Eitt próf eftir!
- gekk ágætlega í morgun

Jæja var í prófi í morgun og gekk bara vel, ef ég er mjög raunsær þá ætti þetta að vera 8, ég yrði allavega hissa ef það yrði neðar en það. En núna er sem sagt eitt próf eftir og er það ekki fyrr en á næsta þriðjudag þannig að það kemur góð hvíld núna... maður ætti þá að geta undirbúið sig vel undir leikinn á sunnudaginn gegn KA sem er fyrsti leikurinn í Íslandsmótinu, hvet alla til að kíkja á hann kl 14:00 á sunnudag. Svo er ég að selja árskort á leikina í sumar í karlaboltanum auðvitað... eitt sem ég var að spá í ... af hverju heitir þetta árskort? Þetta er ekkert árskort því þetta gildir ekkert allt árið, þetta gildir bara yfir sumarið... og ætti því með réttu ekki að heita árskort heldur frekar "Hlutiúrárikort" eða "sumarkort" eða eitthvað slíkt... furðulegt.... en jæja ég er sem sagt að selja svona kort sem gildir á alla leikina hjá ÍBV á heimavelli og kostar kortið 8000 krónur í stað 9000 króna ef farið er á alla leikina þannig að þið sparið ykkur 1000 kall fyrir utan það að styrkja mig í þokkabót! Endilega hafið samband við mig ef þið viljið nálgast svona kort eða vitið um einhvern sem hefur áhuga. Email: einarhlodver@talnet.is og GSM: 698-7442

2003-05-13T00:18:00.000Z

Próf í fyrramálið...
- gangi mér vel

Jæja þá er það próf í fyrramálið í Fél203, venjulega myndi ég segja ÓGEÐISPRÓF en þetta Fél dót er alveg ágætt, ég hef mjög gaman af öllu svona félagsvísindadótaríi. En sem sagt þetta próf er næst seinasta prófið sem ég tek í FÍV því eins og margir vita þá er ég að útskrifast frá þessum yndislega skóla þann 24. maí n.k. Ég segi því bara gangi mér vel og gangi öllum vel sem eru í prófum núna!! Common people þið tæklið ´etta !!!!

2003-05-12T22:06:00.000Z

Ógeðisþáttastjórnandi
Einn mesti ógeðisþáttastjórnandi í heiminum í dag er kallinn sem sér um þáttinn "Follow that food" á Skjá Einum. Það er einhver sá leiðinlegasti maður sem ég hef nokkurn tímann heyrt og séð í og alger synd að svona ágætis þættir eru eyðilagðir með lélegum þáttastjórnanda. Karlfíflið er nú kominn í hóp með Jónsa í Svörtum Fötum, Hauk í Horni og fleirum mjög svo leiðinlegum mönnum

2003-05-12T12:14:00.000Z

Samfylking og Framsókn saman?
- Össur örlátur

Heyrst hefur að Samfylkingin sé búin að biðla til Framsóknar um ríkisstjórnasamstarf. Össur hefur þá mjög líklega boðið Halldóri Ásgrímssyni forsætisráðuneytið vegna þess að það er jú draumur Halldórs og vinstri menn eru væntanlega tilbúnir að fórna forsætisráðherrastólnum til þess að komast í ríkisstjórn. Þetta hlýtur að vera mjög freistandi fyrir Halldór en ég neita að trúa því að hann falli fyrir þessum gylliboðum. Halldór er það skynsamur að hann hlýtur að hugsa um heildarhagsmuni þjóðarinnar en ekki fjögurra ára eiginhagsmuni. Fyrir utan það að sá meirihluti væri mjög veikur, aðeins með einn mann. Maður veit þó aldrei hvað gerist í þessu öllu saman en ljóst er í mínum huga að ef Sjálfstæðisflokkur og Framsókn mynda ekki ríkisstjórn þá lít ég svo á að Sjálfstæðisflokkurinn hafi tapað þessum kosningum, líkt og landið í heild mun gera ef sú staða kemur upp. Bænir og krosslagðir fingur...

2003-05-12T00:56:00.000Z

Ummæli dagsins

"Þú ert bara einhver kaffihúsaspekingur úr Reykjavík og hefur enga tilfinningu fyrir atvinnulífinu á landsbyggðinni!"
Hannes Hólmsteinn Gissurarson í Silfri Egils í dag þegar einhver vinstri maður sagði að fyrningarleiðin væri góð fyrir landsbyggðina!!

2003-05-11T17:31:00.000Z

Ríkisstjórnin heldur velli
- guði sé lof
Það hefur lengi loðað við Sjálfstæðisflokkinn þessi setning: "Þeir ríku verða ríkari og fátækari fátækari".
Að vissu leyti getur þessi setning gengið því að eins og flestir vita þá gengur stefna Sjálfstæðisflokksins í grunnatriðum út á það að stuðla að frelsi einstaklingsins og gefa mönnum svigrúm til að stækka við sig og verðlauna þá sem vel standa sig. Þar sem skattar hafa markvisst verið að lækka síðustu árin, sem kemur að sjálfsögðu öllum vel, þá liggur í hlutarins eðli að skattalækkanir komi þeim sem mestan skattinn borga, þ.e. hátekjufólki, mest til góða því að því meiri tekjur sem þú ert með þeim mun meiri skatt borgaru (þó ekki í prósentum, nema þegar þú ert kominn í hátekjuskattinn).

Það sem gleymist mjög mikið í allri þessari umræðu er að skattar hafa verið að lækka á undanförnum árum, þetta er ekkert sem er að detta inná borðið núna rétt fyrir kosningar. Og auðvitað græða þeir launalitlu á skattalækkunum alveg eins og allir aðrir. Vildu þeir launalitlu heldur hafa haft vinstri stjórn hér síðustu árin þar sem skattar hefðu verið hækkaðir og fleira? Nákvæmlega það gerðist hér 88-91 þegar vinstri stjórn var við völd, skattar voru hækkaðir, skuldasöfnun jókst og halli á rekstri ríkisins jókst gríðarlega. Við þetta allt saman rýrnaði kaupmáttur tekna, sem kom ATHUGIÐ!, sem kom harðast niður á þeim efnaminnstu!

Skattatillögur Sjálfstæðisflokksins fyrir þessar kosningar koma fólkinu í landinu mun meira til góða heldur en t.d. skattatillögur Samfylkingarinnar og það þarf enginn að efast um það að staðið verður við þessu loforð því á síðustu árum hefur ekki verið lofað neinum skattalækkunum en samt hefur ríkisstjórnin greitt samtals 55 milljarða í lífeyrissjóði opinberra starfsmanna, lækkað skatta á fyrirtæki og einstaklinga og síðast en ekki síst greitt niður skuldir ríkisins sem hefur leitt af sér aukið svigrúm til bættra lífskjara í landinu.

En auðvitað er ekkert fullkomið og það er margt sem má laga og bæta. T.d. þyrfti að hækka lægstu launin í landinu því þau eru of lág. Engri ríkisstjórn er betur treystandi til þess að varðveita þann árangur sem hún þegar hefur náð, og gera enn betur, ríkisstjórn Sjálfstæðisflokks og Framsóknar.

Varðandi kosningarnar þá er ég ekki sáttur við lokaniðurstöðu Sjálfstæðisflokksins. Ljóst er að flokkurinn tapaði þónokkru fylgi frá síðustu kosningum, en ef tekið er mið af eftirfarandi atriðum þá er þetta í mínum huga stórkostlegur kosningasigur að ríkisstjórnin skyldi halda velli:

- Kosningarnar 99 voru með ólíkindum góðar fyrir Sjálfstæðisflokkinn þannig að það lá nánast við að fylgið myndi eitthvað vara lækkandi
- Sjálfstæðisflokkurinn er búinn að vera í ríkisstjórn núna í 12 ár og eftir því sem lengri tími líður er alltaf erfiðara að bæta við sig. Það er alltaf erfiðara að verja titilinn en að vinna hann
- Sótt var að flokknum sem aldrei fyrr úr öllum áttum og voru rosalega margir sem gleyptu við gylliboðum Frjálslyndra og Samfylkingar "um að skila kvótanum til fólksins" en á móti kom gríðarlegur fjöldi fólks sem áttaði sig sem betur fer á því hvað þessar tillögur voru útí hött
- Öllum brögðum var beitt til að klekkja á flokknum og frambjóðendum hans. Nægir að líta hingað í suðurkjördæmi þar sem vinstri menn tóku sig saman (og framsókn að litlu leyti) um að reyna að klekkja aldeilis á Gaua bæjó og svifust einskis í skítkastinu og drullumallinu. Var þetta orðið það langt gengið að á kosningaskrifstofu Samfylkingar og Framsóknar var verið að sveifla veðbókarvottorði af húsinu hans Gaua til að reyna að finna eitthvað misjafnt. Gerðist það m.a. að hörð Framsóknarkona gekk útaf skrifstofu flokks síns og hætti í flokknum vegna þessa. Einnig gerðist það að ung kona gekk útaf fundi stjórnar Ungra Jafnaðarmanna og hætti í Samfylkingunni því henni ofbauð skítkastið. Og það sem lýsir þessu kannski öllu best er að formaður Ungra Jafnaðarmanna kom að máli við einn félaga minn fyrir stuttu síðan og sagði við hann að það besta sem gerst hefði í þessari kosningabaráttu í Eyjum, væri blað ungra Jafnaðarmanna! Ekki ætla ég að eyða mörgum orðum í þann soraskít, því það vita allir sem gluggað hafa í það blað um hvað ég er að tala.
- Á síðustu 4 árum sérstaklega, hafa mörg gríðarlega umdeild mál verið samþykkt á Alþingi og í kjölfarið allt farið í háaloft á landinu útaf og nægir í raun að nefna eitt dæmi, Kárahnjúkavirkjun.

Í ljósi þessa alls, og fleira mætti eflaust tína til, þá finnst mér persónulega mikill sigur fyrir þessa ríkisstjórn að halda velli þótt ég hefði viljað sjá betri útkomu fyrir minn flokk. En við komum Gaua inn og ég get lofað ykkur því að hann á eftir að verða okkur gríðarlega mikilvægur á næstu árum.

Áfram Eyjar, Áfram Ísland!

2003-05-08T23:05:00.000Z

Kosningar á laugardaginn!

Stöndum saman! Björgum landinu og Eyjunum frá yfirvofandi vinstri stjórn sem mun leiða til hörmunga fyrir öll sjávarpláss á landinu. Höldum þeim stöðugleika sem nú ríkir í íslensku þjóðfélagi og stuðlum að stöðugt betri lífskjörum í landinu. Eftir að Árni Johnsen datt útaf þingi vantar okkur Eyjamönnum öflugan málsvara. Lúðvík Bergvinsson hefur ekkert gert í 8 ár sem hann hefur verið á þingi og það gengur ekki fyrir Eyjarnar að við séum ekki með mann næstu fjögur árin. Þess vegna verðum við að kjósa Gaua.
X-D á laugardaginn!!!!

2003-05-06T10:19:00.000Z

Bloggleti
Jæja komiði loks öllsömul sæl og blessuð. Vegna mikilla anna undanfarið þá hefur ekkert verið bloggað í langan tíma og mun það væntanlega verða svo þangað til kosningar, próf og annað er fokið út í veður og vind, nema svo skemmtilega vilji til að ég geti gefið mér tíma til að blogga som shit. Á meðan bið ég lesendur einsakalda að bíða rólega því ég mun koma tíefldur til baka.
Bestu kveðjur

2003-04-20T14:32:00.000Z

Spunameistarar Samfylkingar með nokkra vikna uppistand??
Varla er hægt að tala um mikið annað en kosningarnar sem eru í nánd og þá baráttu sem henni fylgir. Sem almennum borgara þá finnst mér kosningabarátta Samfylkingarinnar á köflum skrýtin, furðuleg og síðast en ekki síst fyndin. Nægir þar að nefna Borgarnesræðu Ingibjargar 1 og 2 þar sem Davíð var fyrst ásakaður um að leggja ákveðin fyrirtæki í einelti og vera með skattinn og lögguna alveg í vasanum, síðan var það í síðari ræðunni að Sjálfstæðisflokknum var gefið að sök að vera með blaðamenn landsins í heljargreipum sem og biskupinn, forsetann, rithöfunda og ég veit ekki hvað og hvað. Þetta er auðvitað ekkert annað en grín og ef ætti að kjósa þann flokk sem væri með hlægilegasta málflutninginn þá myndi Samfylkingin væntanlega feta í fótspor félaga síns, Saddams Husseins og fá 100 % fylgi. Núna síðast er frábært að fylgjast með Samfylkingunni reyna að höfða til kvenna með allskyns auglýsingum og áróðri um að nú sé tími til kominn að kona taki við völdum! Er ég alveg viss um að einhverjir femínistarnir verði blekktir en ef fólk dregur djúpt andann og skvettir framan í sig köldu vatni þá áttar það sig á að þetta er engan veginn að gera sig. Allt í senn er þessi femínistaáróður Sollu og félaga skrýtin, háðsleg og hrein móðgun við konur oft á tíðum. Allavega hef ég nokkuð oft í þessari kosningabaráttu hreinlega farið hjá mér fyrir hönd stuðningsmanna Samfylkingarinnar vegna allra þeirra brandara sem hafa fokið í andlit kjósenda. Ég vona bara að sem fæstir láti blekkjast, landinu mínu yndislega til mikilla heilla.

Að lokum verð ég að vera sammála Margréti um að þetta hérna er sem tekið úr mínum munni...

2003-04-20T14:11:00.000Z

Rósir sigranna
Fyrir tveimur dögum fannst mér Sigurrós sýrutónlist. Ég þoldi þá ekki. Í dag elska ég þá. Ég er allt annar maður.

2003-04-18T14:31:00.000Z

Blekkingaleikur vinstri manna
Nú eru kosningar í nánd og allt á suðupunkti í baráttu flokkanna fyrir hylli kjósenda. Pólitík er skrýtin tík og ef hún er einfölduð sem mest má þá snýst hún í raun um að vinna hylli kjósenda svo viðkomandi geti haft völdin lengur eða tekið völdin. Oft á tíðum er brögðum og blekkingum beitt til að vinna hug og hjörtu fólksins. Sjálfstæðismenn hafa þó að mínu viti látið verkin tala en vinstri menn eru ávallt samir við sig. Blekkingar og lygar eða einfaldlega fáviska hefur oft á tíðum einkennt málflutning þeirra. Hefur blekkingarleikur vinstri manna verið mjög áberandi fyrir komandi alþingiskosningar, sem og reyndar fyrir bæjarstjórnarkosningarnar síðast auk fleiri kosninga. Síðasta dæmið í þessum blekkingaleik er að þeir halda því fram að menntamál séu í lamasessi á Íslandi og er m.a. á stefnuskrá ungra jafnaðarmanna að bæta menntamálin og auka útgjöld til þeirra. Í grein í Fréttum s.l. fimmtudag skrifar Jóhann Ólafur Guðmundsson formaður ungra jafnaðarmanna í Eyjum grein þar sem hann segir orðrétt: "Íslendingar hafa lengi varið mun minna fé til menntamála sem hlutfalli af landsframleiðslu en aðrar OECD þjóðir". Ekki veit ég hvar Jóhann fær þessar upplýsingar sínar enda kemur það hvergi fram í hans grein og má helst ætla að hann viti einfaldlega mjög lítið um þetta mál sem og mörg önnur.

Lítum því á staðreyndir málsins:
- 14,5% útgjalda hins opinbera fara til menntamála hér á landi. Þetta hlutfall er hvergi hærra í allri Evrópu.
- Samkvæmt nýjustu upplýsingum Hagstofu Íslands voru heildarútgjöld Íslendinga til fræðslumála 6,3% af landsframleiðslu. Af öllum ríkjum heims er hlutfallið einungis hærra í Bandaríkjunum, Kanada, Svíþjóð og Danmörku.
- Útgjöld hins opinbera til menntamála sem hlutfall af landsframleiðslu hefur vaxið úr 4,2%-4,4% um og eftir 1990 í 5,75% nú.
- Háskólum á Íslandi hefur fjölgað úr 3 í 8 á síðustu árum. Framboð á námi og valfrelsi hefur aukist verulega.

Þetta er því enn eitt dæmið um blekkingaleik vinstri manna sem reyna að troða röngum upplýsingum uppá fólk. Besta leiðin til að forðast svona vitleysu er einfaldlega að kynna sér málin til hlítar og hvet ég jafnt unga sem aldna til að gera það þannig að fólk geti kosið rétt í komandi kosningum.

2003-04-16T18:21:00.000Z

Mættur aftur - fari Atlanta flugfélag til helvítis
Jæja gott fólk þá er kallinn mættur aftur eftir vikulanga Spánarferð. Ætla ég að deila með ykkur helstu brotum þessarar ferðar og þá aðallega fyrsta sólarhringnum sem er eitthvað mesta djók sem ég hef á ævinni upplifað. Byrjaði þetta allt saman á því að bæði karla og kvennaliðin hittust á Loftleiðum kl 6 á laugardagsmorgni og var ætlunin að fljúga kl 9. Fara átti með júmbó þotu Atlanta og voru allir komnir útí vél um hálf níu. Þurftum við að dúsa í vélinni í rúma þrjá tíma vegna bilunar í hreyfli en svo var okkur loks hleypt inní flugstöð. Þar biðum við uþb 8 tíma og var maður alveg orðin geðveikur. Svo var endanlega ákveðið að fljúga seint og síðar meir eða um kl 20:00 á laugardagskvöldið og var ákveðið að fljúga með tveimur Flugleiðavélum því Atlanta vélin væri það mikið biluð. En þá kom það í ljós að flugvöllurinn sem við áttum að fljúga á, í Faró lokaði kl 23 og þar með var ekki hægt að fljúga þangað! Þurftum við því að fljúga til Lissabon og keyra þaðan í 5-6 tíma til Faró!! Eru þessi vinnubrögð auðvitað fyrir neðan allar helvítis hellur hjá Arngrími og hans skítapakki hjá Atlanta því ef þau hefðu bara prumpað út úr sér klukkan 5 eða 6 að við þyrftum að fara með öðrum vélum þá hefði þetta ekki verið neitt mál.

En þegar komið var til Lissabon var fjörið rétt að byrja. Atlanta átti að redda 11 rútum því það var svo gríðarlegur fjöldi af mannskap að fara til Faró. Nei nei það komu 6 rútur sem var engan veginn nóg og þurftu margar að sitja klesstir upp við hvorn annan í á 6 tíma! Er þetta auðvitað enn einn skandallinn af hálfu Atlanta í þessari ferð. Allar rúturnar voru troðfylltar af farangri og lá við að ekki hefðu allir komist með. Ekki bætti svo úr skák að hótelið sem við áttum að fara á var rúmlega einni klukkustunda styttri leið heldur en leiðin til Faró en rútuandskotarnir sögðu að ekki væri hægt að keyra þangað því rútufélagið mætti bara keyra ákveðna vegi og því þurftu þeir að taka risastóran krók burtu frá okkar hóteli og til flugvallarins í Faró!!! Jæja svo loksins þegar við komumst til Faró, tók við 2 klukkustunda bið eftir bílaleigubílum og var maður satt að segja orðinn léttgeggjaður. Jæja svo loksins drulluðumst við af stað á hótelið og tók ekki nema klukkutíma að keyra og það var auðvitað dropi í hafið miðað við allt sem á undan hafði gengið. Vorum við komnir klukkan 11 á sunnudagsmorgninum á hótelið sem er auðvitað sem svo miklum eindæmum að 1/38 væri miklu meira en nóg. Það tók okkur s.s. 26 klukkustundir að komast leið sem venjulega á að taka 5 tíma!

Annars var ferðin í heild mjög góð og ég slapp við veikindi þrátt fyrir mikið kvef og mikið slím og hóst og snít og slím og ógeð. Okkur gekk bara ágætlega í leikjunum og fóru allir sáttir frá borði held ég. Svo til að bæta enn ofan á ömurlegheit Atlanta ógeðisflugfélagsins þá þurftum við að bíða í 2 tíma í vélinni áður en hún gat lagt af stað heim á leið!! Ég ætla aldrei aftur að fara með Atlanta flugfélagi dauðans. Þessi þjónusta er fyrir neðan allar hellur og ef ég hitti Arngrím forstjóra einhvern tímann þá ætla ég að löðrunga hann jafnoft og allir þeir klukkutímar sem við urðum fyrir töfum í þessari ferð af þeirra völdum. Það þýða 23 löðrungar og ætti hann að geta hugsað sinn gang eftir það. Ætla liðin að sjálfsögðu að krefjast ódýrari ferðar enda fór heill sólarhringur af ferðinni út um þúfur en auk þess þá voru menn marga daga að jafna sig á þessu ferðalagi. Og ef ég fæ ekki 15-20 þúsund króna afslátt á ferðina þá gríp ég svo sannarlega til minna ráða. Niður með Atlanta drulluflugfélag!!

2003-04-04T15:00:00.000Z

Spánn á morgun!

Jæja þá er síðasta innleggið á þessa síðu að hefja innreið sína í viku amk vegna þess að ég er að halda til Spánar á morgun eða nánar til tekið Isla Canela á suðuströnd Spánar, alveg við Miðjarðahafið yndislega. Þar munum við dvelja í eina viku við æfingar og keppni og verður þetta sko engin sukk ferð eins og margir vilja halda fram. Ónei þvert á móti þá fékk ég að kynnast því síðast þegar ég fór í keppnisferð á þennan sama stað fyrir tveimur árum. Það er æft tvisvar á dag og leikur annan hvern dag en svo getur vel verið að það verði gert eitthvað sniðugt síðasta kvöldið. Síðasta ferð var reyndar ekki ferð til fjár hjá mér en ég var á lífi í tvo daga en veiktist eftir það svo heiftarlega að ég lá í rúminu það sem eftir lifði ferðar og fullyrti þá og stend við það enn að ég hef aldrei orðið jafn veikur á minni stuttu en jafnframt viðburðarríku ævi. Hallast ég helst að því að ástæðan hafi verið sú að maður hafi haft loftkælinguna í botni allan daginn og gleymt að slökkva á kvöldin og mér fróðari menn hafa táð mér að það kunni ekki góðri lukku að stríða. Það ásamt kannski vott af einhverju öðrum fjanda sem ég kann ekki nánari skil á, slökktu algerlega í mér og var ég meira nær dauða en lífi þessa 5 daga sem eftir lifðu ferðar. Hét ég því að verða aldrei aftur veikur í utanlandsferð og er ég búinn að fara þær þrjár síðan og aldrei veikst og nú er að sjá hvort það hvíli bölvun yfir Isla Canela eða hótelinu Riu Atlantico sem er fjögurra stjörnu marmarahöll, en við munum einmitt dvelja á sama hóteli nú og síðast. Í tilefni af þessari ferð ákvað ég að birta nokkrar myndir með og fyrsta myndin er hluti af Isla Canela ströndinni sem er reyndar í stöðugri uppbyggingu. Önnur myndin er af herbergjunum í hótelinu, þriðja myndin er af hótelinu tekin sundlaugarmegin, fjórða myndin er af matsalnum og fimmta myndin er af sundlauginni. Smellið á myndirnar fyrir stærri myndir. Ég segi því bara ola senjóritas og senjóras og viva Canela og bútrageníó!!!!! NEEETTTTUUUURRRR!!!!!!

2003-04-04T11:16:00.000Z

Nýtt viðtal!
Þá er nýtt viðtal komið í viðtalshornið og er það enginn annar en stórfrændi minn Guðmundur Kristján Eyjólfsson í tilefni af því að nú styttist óðum í heimför stóra Íslendingsins frá Florida. Smellið á viðtalshornið hér til vinstri til að sjá viðtalið eða einfaldlega hér...

2003-04-04T10:48:00.000Z

Spánn eftir 1 dag!!!

2003-04-03T23:03:00.000Z

Spaðaás!
Komst að því áðan að svertingjar eru gjarnan kallaðir spaðar...

2003-04-03T23:00:00.000Z

Jay inn, Eubanks út
Ég hef alltaf hatað Jay Leno en núna fíla ég hann ágætlega.. sérstakleg skemmtilegu auglýsingarnar og Jay walking eða hvað það nú heitir. Hins vegar er einn maður sem fer ennþá mjög mikið í taugarnar á mér og mun gera um ókomna tíð, það er Kevin Eubanks gítarleikarinn, djöfull er hann leiðinlegur með leiðinlegan hlátur

2003-04-03T22:53:00.000Z

Spánn eftir 2 daga!!!

2003-04-02T23:34:00.000Z

Svartur dagur í sögu Vestmannaeyja
Grein sem birtist í Fréttum 2. apríl 2003.

Eins og bæjarbúar hafa væntanlega heyrt þá er meirihlutasamstarf Sjálfstæðisflokks og Framsóknarflokks í bæjarstjórn Vestmannaeyja sprungið og nýr meirihluti V-listans og Andrésar Sigmundssonar var myndaður í síðustu viku. Óhætt er að segja að sá dagur, mánudagurinn 25. mars 2003, sé svartur dagur í sögu Vestmannaeyja. Mig hryllir við þeirri tilhugsun að bæjarfélagið sé nú undir stjórn V-listans, sem ekki einu sinni getur undirbúið sig almennilega fyrir bæjarstjórnarfundi, hvað þá stjórnað heilu bæjarfélagi ásamt svo Andrési, sem á innan við einu ári hefur yfirgefið tvö stjórnmálasamtök með látum, geri aðrir betur. Og nú í síðara skiptið, sem var öllu verra en það fyrra, skilur hann allt eftir í rúst með því að ganga einn til samstarfs við Lúðvík því hann skilur við allt sitt samstarfsfólk sem er nú án bæjarfulltrúa. Það þýddi það að allt hans fyrrverandi samstarfsfólk hefði staðið eftir algerlega án nokkurra áhrifa, ekki með eina einustu nefndarstöðu í bænum ef ekki hefði verið vegna samstarfs við Sjálfstæðisflokkinn í minnihluta. meira...

2003-04-02T17:28:00.000Z

Jæja folke !!!!

2003-04-02T11:41:00.000Z

Spánn eftir 3 daga!!!!!

2003-04-02T00:08:00.000Z

Við viljum nýtt Tek!!
Þá ætlar nýtt apótek enn einu sinni að reyna að koma hingað til Eyja. Fyrir er Apótek Vestmannaeyja sem rekið er af einhverri leiðinlegri kellingu. Nú ætla ég að taka það fram að ég þekki þessa konu ekki neitt og veit ekkert hvernig hún er, en miðað við allt það sem ég hef heyrt af henni þá er hún algjört bitch í tíunda veldi og hjá mér fékk hún því nafnið apótekarahóran fyrir löngu síðan. Ætla ég bara að halda mig við það nafn, vonandi er henni sama ef hún sér þetta, en sem greiða við ættingja hennar og vini þá ætla ég að ritskoða orðið hér eftir. En þannig er mál með vexti að apótekara*beepið* er algjört *beep* í tíunda veldi. Vinkona mömmu minnar lenti t.d. í því um daginn að vera stödd inní apóteki þegar eldri kona var að kaupa sér lyf. Þessi eldri kona er víst ekkert svakalega rík og henni vantaði einhverjar 2-300 krónur uppá svo hún ætti fyrir lyfjunum. Hún spurði apótekara*beepið* að því hvort hún væri til í að lána henni þessar 2-300 krónur fyrir framan fullu Apóteki af kúnnum. Apótekara*beepið* brást hin versta við og öskraði á konugreyið að það kæmi sko ekki til greina að lána henni þessa aura því að síðast þegar hún lánaði henni þá hafi hún borgað svo seint! Djöfull myndi ég rota apótekara*beepið* ef hún hefði öskrað svona á mig! Og þar sem ég nenni ekki að skrifa heila ritgerð um þetta þá læt ég þetta dæmi nægja, það vita örugglega allir um hvað ég er að tala.

Ég segi nú bara fínt að það sé að koma nýtt apótek hingað. Bæði er verðið mun hærra hér en í Rvk og oft eru lyf ekki til enda ekki skrýtið þegar Tekið er fullt út úr dyrum af einhverjum ilmvötnum og púðri!! En núna er apótekara*beepið* s.s. brjáluð yfir því að nýtt apótek sé að koma því að það sé ekki markaðsgrundvöllur fyrir 2 Tek. Það er víst miðað við 4-5000 manns fyrir hvert Tek held ég. Maður getur svo sem skilið apótekara*beepið* ef þetta er rétt, en í þessu tilviki er mér nákvæmlega sama. Ef apótekara*beepið* hefði pillast til að koma almennilega fram við íbúa þessarar Eyju þá þyrfti hún ekki að hafa neinar áhyggjur, því þá myndi fólk auðvitað versla hjá henni, þ.e.a.s. ef lyfin væru á svipuðu verði. Ég myndi allavega gera það ef ég fengi vörur á svipuðu verði að versla hjá Eyjamanni og ég held að allir reyni að gera það sem mest þeir mega. En í þessu tilviki getur apótekara*beepið* bara sjálfri sér um kennt og ég vorkenni henni ekki hundsvit. Hún á í þokkabót annað apótek í Rvk og hún getur bara verið leiðinleg í friði þar og verið leiðinleg við viðskiptavinina þar. Ég segi því bara: Nýtt Apótek til Eyja núna!

2003-04-01T23:49:00.000Z

Spánn eftir 4 daga !!!!!!!

2003-03-31T22:35:00.000Z

Reykjavík ógeð part II
Kom heim í dag frá Reykjavíkurógeði. Þurfti reyndar ekki að fara uppá land fyrr en í gærmorgun, sem er mjög gott, með Herjólfi og áttum við að keppa kl. 13. Jæja við unnum Hauka í deildarbikarnum 5-1 og haldiði ekki að kallinn hafi bara sett´ann og lagt annað upp. En við spiluðum hreint ágætlega og áttu allir góðan dag. Svo ætlaði ég að taka Herjólf bara til baka um kvöldið kl 19:30 og þurfti maður því að byrja á því að hanga þar í nokkra klukkutíma. Fór maður á Hard Rock að borða því konan vildi svo endilega fá sér nachos á þessum drulluskítastað. Ég horfði á matseðilinn og sá þar hamborgara á verði 1000-2000 kr og þar sem ég hef svolitla sjálfsvirðingu þá dettur mér ekki til hugar að kaupa hamborgara á 1000 kall! Glætan! Jæja ódýrasti rétturinn á matseðlinum var pastaréttur og svo einhverjar vorrúllur sem mér leist helvíti vel á. Steiktar vorrúllur fylltar með creiolakrydduðum kjúklingi og allskonar drall með. Þar sem ég var svo svangur þá spurði ég þjónustustúlkuna sem btw var í einhverju minipilsi, hvað þetta væru margar rúllur því ég væri svo rosalega svangur. Hún galaði: "Þetta eru 5 rúllur". Og ég átti ekki orð! 5 vorrúllur fylltar með blablakrydduðum kjúklingi og eitthvað gums með á 1190 kr.! Þetta var ótrúlegt! Ég hafði dottið í lukkupottinn! En svo kom rétturinn. Og haldiði ekki að þessar vorrúllur hafi verið jafn sverar og franskar! Ég gat auðveldlega stungið þeim uppí nefið á mér! Það eina sem reddaði því að ég fór saddur út var að ég fékk að éta restina af hamborgaranum hennar Guðbjargar og nachosdraslinu hjá Rakel. Djöfulsins Hard Rock drullupleis ég fer sko aldrei þangað aftur ekki einu sinni þótt samband mitt og konunnar liggi við... eða..... jæja..

Svo var ekkert nema vesen að redda sér fari því konan birtist óvænt eftir leikinn okkar, hafði misst af Herjólfi í hádeginu og þá vorum við allt í einu orðin tvö því 1+1 eru tveir og ég hafði auðveldlega reddað mér fari 1 en nú var situasonið 1+1=2 þannig að þannig var það. Þannig að við fórum í að redda fari og það gekk illa. Ákváðum við því bara að taka rútuna og kl 17:35 hringdum við á BSÍ og var okkur tjáð það að rútan færi 17:50!!! hvað er eiginlega með það helvíti??!! Þannig að það var mjög tæpt þar sem við vorum lengst uppí kópavogi og náðum svo loks að redda fari hjá Bjartey og Sæþóri. Jæja svo erum við búin að keyra svona 1/4 af leiðinni og þá segja þau okkur það að bíllinn sé á sumardekkjum!!! Halló!!! Og það var klikkað veður á heiðinni og þrengslunum og við þurftum að gjöra svo vel að snúa við eftir quart ferð!! Bíllinn bara skautaði á veginum og það var ekkert annað í stöðunni en að snúa við. En helvíti var ég helvíti djöfull pirraður í andskota!!! OOOHHH!!! Og ekki bætti úr skák að ég gleymdi fockings símanum mínum eftir leikinn og Pappírs-Pési tók símann heim og ég ekki í sambandi við umheiminn í sólahring... þannig að eins og alltaf áður: Reykjavíg ÓGEÐ og megi þessi borg djöfulsins brenna í hans víti um aldur og ævi ... to be continued...
en þá er það bara Spánn eftir 6 daga!!! jaahúúúúúú!!!!!!!!!!!!!!!!!!

2003-03-29T20:28:00.000Z

Kúkalabbar
Djöfull! Ég var að horfa á One Hour Photo m. Robin Williams sem ég dl af netinu um daginn.. búinn að horfa á einn þriðja af myndinni, var orðinn drulluspenntur og þá kemur í ljós að myndin er gölluð og ég gat ekki horft á hana !!! Djöfulsins mannandskotar að vera að setja gallaðar myndir á netið þar sem saklausir góðir netverjar eru á sveimi... one hour madness....

2003-03-29T18:59:00.000Z

Inn út inn inn út...

2003-03-29T17:26:00.000Z

Ekki nógu gott
Leik Skotlands og Íslands verður ekki minnst lengi, ekki nema þá sökum hörmulegs leiks íslenska liðsins í fyrri hálfleik. Í fyrsta lagi set ég stórt spurningarmerki við leikaðferð Atla, 5-3-2 því bresk og skosk lið eru nú hvað þekktust fyrir gríðarlega öflugt kantspil og þegar er spilað með 3 menn í miðri vörninni og svo framliggjandi bakverði þá opnast mikil svæði í hornunum. Þetta gerðist oft í fyrri hálfleik að boltanum var þrumað uppí hornin og mikil hætta skapaðist. Eins sáum við það í fyrsta marki Skotanna að hornið opnaðist uppá gátt og markið kom upp frá því. Og hver haldiði að hafi ekki dekkað manninn sinn í teig, manninn sem svo skoraði fyrsta markið? Jú, það var enginn annar en hetjan og bjargvætturinn Guðni Bergsson!

Miðjan í leiknum var mjög döpur í fyrri hálfleik, ef undan er skilinn Brynjar Björn, hinir sáust ekki. Boltinn gekk illa manna á milli og var eins og menn væru hræddir við að spila honum og halda honum. Í seinni hálfleik var eins og allt annað lið væri inná og áttum við mjög góðan kafla í 15-20 mínútur, virkilega góð spilamennska. Boltinn rúllaði vel og við vorum sífellt ógnandi. Við ógnuðum ekki markinu EINU SINNI í fyrri hálfleik en fyrsta ógnunin í seinni hálfleik skilar marki!! Það er nú ágætis nýting! Rúnar Kristins fékk varla boltann í fyrri hálfleik og þá var enginn balance milli sóknar og varnar en það lagaðist til muna í seinni hálfleik. Og djöfull áttum við að fá víti þarna snemma í seinni hálfleik! HVAÐ VAR DÓMARASKRATTINN AÐ GERA !!!! Dæmir óbeina aukaspyrnu fyrir hrindingu inní teig? Í hvert einasta skipti sem bakhrinding á sér stað inní teig, og dómari ákveður að taka á því þá er það víti og ekkert annað, enda er það alltaf dæmt. Er einhver munur á bakhrindingu, framhrindingu eða hliðarhrindingu??!!!! Djöfuls hollenska myllutréklossa ógeðið! Svo átti Eiður Smári að nýta þetta dauðafæri sem hann fékk rétt eftir markið okkar. Maður í hans gæðaflokki á að nýta svona færi og ekkert annað!! En heildina séð þá getur íslenska liðið mun meira en það sýndi í dag. Fyrri hálfleikur afleitur en seinni hálfleikur í heildina mjög góður. En þegar uppi er staðið þá töpuðum við þessum leik fyrst og fremst á lélegri dekkningu í báðum mörkunum og er auðvitað sorglegt til þess að vita.

Einkunnagjöf:
Árni Gautur Arason: 8
Reyndi raunar ekki mikið á hann. Gerði þó enginn mistök í leiknum og kom engum vörnum við í mörkum Skota. Varði amk einu sinni ef ekki tvisvar mjög vel.
Bjarni Þorsteinsson: 6
Bjarni er búinn að bæta sig töluvert frá því í síðasta leik við Skota á Laugardalsvelli. Hann er meiri svona varnarbakvörður og sækir yfirleitt ekki mikið fram. Í þessum leik kom hann þó nokkrum sinnum fram og skapaði mikla hættu. Sendingafeilarnir of miklir og honum vantar meiri snerpu. Barðist vel og skilaði sínu ágætlega. Er þó næstlélegasti hlekkurinn í þessu liði á eftir Arnari Viðars.
Arnar Þór Viðarsson: 4
Mjög svo dapur. Lélegasti hlekkur íslenska liðsins, engin spurning. Átti alltof margar feilsendingar og fyrra mark Skota má skrifa að miklu leyti á hann, var alltof seinn að drullast til að fylgja manninum sem sendi boltann fyrir, var bara eitthvað að dúlla sér þarna á miðjunni! Fær þó plús fyrir dugnað og baráttu.
(Indriði Sigurðsson): 6
Kom inná seint og það var svo sem ekki mikið í stöðunni er hann kom inná. Nældi sér þó í gult spjald strax og fær mínus fyrir það.
Ívar Ingimarsson: 7
Það reyndi mest á Ívar af öllum varnarmönnunum. Skilaði hlutverki sínu vel, átti þó nokkrar feilsendingar og leið mikið fyrir það að vera hægrifótar maður vinstra megin í vörninni.
Guðni Bergsson: 6
Hetjan Guðni Bergsson átti að vera bjargvættur landsliðsins í þessum leik. Guðni átti mjög lélegan fyrri hálfleik og fyrra markið skrifast að nokkru leyti á hann. Átti fullt af feilsendingum sem sköpuðu stórhættu upp við íslenska markið og ótrúlegt að sjá þetta hjá Guðna. Kannski var Guðni óöruggur enda kannski ekki skrýtið eftir rúmlega 5 ára hlé frá landsliðinu. Seinni hálfleikurinn var aftur á móti mun betri hjá honum og bætti upp að vissu leyti þótt ég setji smá spurningarmerki við Guðna í seinna marki Skotanna.
Lárus Orri Sigurðsson: 5
Lárus Orri var sterkur. Er lélegur sendingamaður og það kom í ljós í þessum leik eins og öllum öðrum. Varnarvinnan hans alveg með ólíkindum í seinna marki Skota þegar hann eltir ekki einu sinni manninn sinn inní teiginn! Maðurinn er atvinnumaður í ensku úrvalsdeildinni og hann getur ekki fylgt þeirri grundvallarreglu að fylgja mönnum inní teiginn en mönnum er kennt það í sjöunda flokki!!
Brynjar Björn Gunnarsson: 8
Einn besti maður íslenska liðsins í leiknum. Gríðarlega vinnusamur og frábært að fylgjast með honum. Er stöðugt að bæta tæknina hjá sér og er alltaf að gera færri og færri sendingarfeila. Missti þó boltann nokkrum sinnum klaufalega þegar hann hélt hann væri Maradona og ætlaði að leika á hálft skoska liðið. Einnig var leiðinlegt að sjá hve Brynjar er svakalega grófur leikmaður, þrisvar sinnum lágu menn eftir að hafa fengið olnbogaskot frá Brynjari. Einn fékk hann í andlitið og tveir í síðuna. Í öll skiptin átti Brynjar ekki séns í boltann og bara negldi olnboganum í gæjana. Heppinn að tolla inná hreinlega.
(Þórður Guðjónsson): 6
Kom seint inná og gerði engar rósir. Var þó sívinnandi allan tímann sem hann var inná.
Arnar Grétarsson: 7
Arnar sást lítið sem ekkert í fyrri hálfleik eins og margir leikmenn liðsins. Átti þó góðan seinni hálfleik.
Jóhannes Karl Guðjónsson: 7
Jóhannes sást einnig lítið í fyrri hálfleik en er sívinnandi og átti frábæra sendingu á Eið Smára í markinu. Átti þó alltof margar lélegar sendingar og var oft að þruma boltanum fram þar sem enginn leikmaður íslenska liðsins var fyrir.
Rúnar Kristinsson: 6
Sást hvað minnst af öllum í fyrri hálfleik, held að hann hafi varla komið við boltann, svei mér þá! En það var kannski fyrst og fremst miðjunni að kenna. Var þó betri í seinni hálfleik en þetta er samt einhver slakasti leikur Rúnars með landsliðinu.
Eiður Smári Guðjonsen: 8
Samur við sig. Heldur að hann sé einhver kóngur sem ætlar bara að gera allt sjálfur. Hvernig væri ef hann færi að drullast til að spila boltanum og láta hann ganga mun fyrr!! Í hvert skipti sem hann fær boltann þá þarf hann að klappa honum 10-20 sinnum í staðinn fyrir að láta þetta rúlla. Djöfull fer þetta í taugarnar á mér. Fær þó stóran plús fyrir markið sem var mjög gott.
(Tryggvi Guðmundsson): 6
Tryggvi kom seint inná í stað Eiðs og hafði ekki úr miklu að moða.

2003-03-28T13:45:00.000Z

Jacko Wacko og Bashir ógeð
Martin Bashir er að mínu viti hálfviti. Hann sveik engann annan en furðuveruna Michael Jackson eins og kom fram í þættinum í gær, taka 2. Greinilegt er að Bashir þessi hefur hreinlega gleymt því að auka myndavél frá Jackson tók allt drallið upp!! T.d. segir Bashir í blaðaviðtali stuttu eftir að hann gerði þessa heimildamynd að Neverland (skemmigarður Jackson) væri stórhættulegur staður og að varnarlaus börn væru í stórhættu að vera þarna ein með Jackson og jafnvel sofa í rúminu með honum. Hins vegar tók myndavél Jackson upp þegar Bashir segir að þetta hafi verið trúarleg upplifun að sjá krakkana þarna með honum. Að hann hafi næstum farið að gráta þegar hann sá þetta stórkostlega samband milli Jacksons og krakkana og ótrúlegt hvað Jackson hafi náð vel til þeirra. Svo klippti hann það auðvitað bara út í sínum þætti. Einnig lýsti Bashir því yfir í fjölmiðlum eftir heimildamyndina að þvílík heimska það hefði verið hjá Jackson að fara með börnin sín tvö í dýragarð í Berlín þar sem allt fylltist af fólki og algert öngþveiti myndaðist og skapaðist mikið hættuástand fyrir börnin. Og að allir hefðu áttað sig á að þetta yrði hættulegt, nema Jackson. Var þar Bashir að gefa í skyn að Jacko væri heimskur og lélegur faðir. En myndavél Jackson tók upp þegar Bashir spurði hann hvers vegna hann hefði farið með börnin í dýragarðinn, þá sagði Jackson að honum hefði verið lofað að garðinum yrði lokað áður en hann mætti á svæðið eins og alltaf væri gert. En Bashir klippti það bara út úr sínum þætti til að láta þetta líta verr út. Auk fleiri dæma. En hvað er að þessum Bashir? Virtur blaðamaður í Bretlandi hegðar sér eins og einhver low class slúðurblaðamaður með enga réttlætiskennd!! Einnig kom fram á þessum upptökum að Bashir margtók það fram að hann væri sko ekki einn af þeim blaðamönnum sem snéru út úr öllu sem Jackson segði og reyndi að koma höggi á hann. Annað hefur heldur betur komið í ljós! Og ef ég á eftir að hitta þennan Bashir einhvern tímann þá ætla ég að drulla yfir hann, ekki það að mér þyki svona gríðarlega vænt um Jacko Wacko en ég þoli bara ekki svona lygar og undirförulshátt!!!!

2003-03-27T22:31:00.000Z

Kvikindi
Litli skrattinn hann bróðir minn gerði sér lítið fyrir og vann Playstation 2 tölvu í einhverjum leik sem Tölvun var með. Heppna kvikindið!! Hann er búinn að dreyma PS2 tölvu í fleiri mánuði, fékk svo pening um daginn og ætlaði að kaupa sér PS2 en það vakti mikla furðu mína að hann keypti sér 20" sjónvarp í staðinn. Ég skildi þetta ekki alveg en ég skil þetta núna!! Ætli þetta hafi verið örlögin? Af hverju get ég ekki verið svona heppinn?? Aldrei vinn ég neitt.. aldrei hef ég unnið í neinum svona leikjum, ekki heldur í neinum happdrættum og ekki heldur í neinum lottóum. Ekki hef ég unnið í tippi nema eitthvað sáralítið enda tippa ég lítið, en einu sinni hef ég unnið í bingó !! það var vinningur uppá fleiri tugir þúsunda, man ekki alveg hvað það var, minnir að það hafi verið Lazy boy en þá var ég líka að spila fyrir einhvern annan... arrghh

2003-03-26T23:17:00.000Z

Heigulsháttur Lúðvíks og hans manna
Fór á minn fyrsta bæjarstjórnarfund áðan, loksins komst ég því það var frí á æfingu í dag en annars hef ég aldrei komist vegna þess að fundirnir stangast á við æfingatímana. V-listinn ætlar að fórna jarðgöngum og Höfn í Bakkafjöru bara til að geta fengið úrlausn í samgöngumálu Eyjamanna 2 árum fyrr (nýr Herjólfur kæmi 2008 en göng 2010 ef þau væru möguleg). Þetta er auðvitað með hreinum ólíkindum og sýnir enn og aftur að V-listinn vinnur svo sannarlega ekki að heilindum fyrir bæjarfélagið, sbr. t.d. sölu á Bæjarveitum auk fleiri mála.

Svo er það fyndnasta í þessu öllu og það er að það á að reka Inga bæjarstjóra. Það er alveg pottþétt og þurfa menn ekkert að tala um hvort það verði gert eða ekki, það verður gert. Er mjög svo hjákátlegt að horfa uppá Lúlla og hans fólk sem hefur gagnrýnt skuldastöðu bæjarsjóðs gríðarlega mikið, ætla að byrja á að henda 25 milljónum út um gluggann!

Þvílík vinnubrögð! Og þetta lið hefur ekki einu sinni kjark til að reka hann þá bara strax og koma hreint fram, heldur ætla þau að bíða fram yfir Alþingiskosningar til að tapa örugglega ekki atkvæðum! Á bæjarstjórnarfundi áðan þá kom tillaga frá Sjálfstæðisflokki um að V-listinn samþykkti það að Ingi yrði út kjörtímabilið, hverju haldiði að V-listinn hafi svarað? Þau vísuðu tillögunni frá! Þvílíkur heigulsháttur!

Ég ætla a.m.k. að biðja til Guðs um að hann haldi hlífiskildi sínum yfir Eyjum og Eyjamönnum á meðan þetta lið er við völd.

2003-03-26T13:29:00.000Z

Teljari skeljari
Var að enda við að setja teljara inná allar "undir" síðurnar sem eru hér til vinstri undir Rýninum, kvikmyndagagnrýnina, greinarnar og viðtalshornið þökk sé teljara.is. Gerði þetta bara sona til að sjá hvernig umferðin þar er en hún er ágæt á þessari, tæplega 4000 heimsóknir á tveimur mánuðum... er ég sáttur? Spurningin er kannski frekar: eru þið sátt? Eða nett? NETTUR!!!!!!

2003-03-26T12:24:00.000Z

Stríð stríð stríð stríð
er hægt að tala um eitthvað annað en stríð?

2003-03-26T11:53:00.000Z

Donald Rumsfeld...
er maður sem fer virkilega í taugarnar á mér

2003-03-26T10:51:00.000Z

Nýtt viðtal...
Já, nýtt viðtal er komið í viðtalshornið og er það enginn annar en poppgúrúinn Gunnar Lárus Hjálmarsson, a.k.a. Dr. Gunni. Endilega kíkið á það með því að smella á linkinn "Viðtalshornið" hér til vinstri eða einfaldlega með því að smella hér...

2003-03-25T14:11:00.000Z

Fjölmennt í hjónarúminu!!
Svíi nokkur missti stjórn á skapi sínu þegar hann kom heim til sín í Málmey eftir að hafa verið úti að skemmta sér og fann sambýliskonu sína í rúminu með þremur öðrum karlmönnum. Maðurinn, sem er 38 ára gamall, þreif hníf og stakk einn af mönnunum. Norska blaðið Verdens Gang hefur eftir talsmanni lögreglunnar að maðurinn hafi einnig ráðist á sambýliskonuna, sem er 51 árs, en hún slapp ómeidd.Einum elskhuganum tóks að hringja í lögregluna sem varð að brjóta hurðina á íbúðinni til að komast einn. Sá sem særðist var fluttur á sjúkrahús en var ekki talinn alvarlega meiddur. Lögreglan sagði að ekki hefði verið hægt að yfirheyra fólkið fyrr en síðla næsta dag þar sem það var allt mjög drukkið.
Mbl.is segir frá

Hvað myndi maður gera ef maður kæmi heim og konan bara með þremur gæjum uppí rúmi? Ég held ég myndi gera það sama og þessi gaur gerði.... drepa alla kallana og ég veit ekki hvað ég myndi gera við konuna, kannski ekki berja hana en ég myndi allavega trompast svo gjörsamlega að ég myndi bara geðtruflast!! Pæliði í að lenda í þessu... shit!!

2003-03-25T13:59:00.000Z

Ég á þing...?
Móðir mín hringdi í mig í gær, en hún er í Rvk, og tjáði mér það að hún hefði farið til spámiðils og hann/hún hafi sagt að ég ætti eftir að verða þingmaður! Það er nú ekki draumastarfið get ég sagt ykkur! En það skyldi þó aldrei verða....

2003-03-24T22:17:00.000Z

Hvers vegna stríð?
Hvers vegna ætli Bush og hans menn séu í stríði við Saddam? Er það til að afvopna hann? Er það til að stuðla að friði í heiminum? Er það til að frelsa írösku þjóðina? Eða er það kannski útaf einhverju alltöðru? Er það kannski bara útaf olíunni? Eða er Bush kannski bara svona illa við Saddam, finnst hann ljótur eða eitthvað? Hvað finnst ykkur? Hvað ástæður búa að baki???

2003-03-24T14:05:00.000Z

Kallinn að hressast...
Svei mér þá ég held ég að hressast bara.. búinn að vera hitalaus í 2 daga núna en er enn að drepast í hálsinum.. er að pæla í að skella mér í leikfimi á eftir bara... vona að það verði blak það er alltaf gaman að vinna Suðuna og fleiri í blakinu. Búinn að liggja bara hér uppí rúmi eiginlega síðan á miðvikudagskvöld.. nema ég kíkti aðeins í búð í gær til að kaupa í matinn enda er ég einn heima núna og maður verður víst að borða eitthvað. Öll þessi rúmlega hefur gert mann óskaplega þreyttan og asnalegan eitthvað.. hvernig er þetta fyrir fólk sem er langveikt og þarf að liggja í fleiri fleiri ár.. úffff.. ekki gæti ég staðið þau ósköp af mér, held ég myndi bara drepa mig frekar, svei mér þá.. eða hvað? Nei.. kannski ekki. Ég myndi bara fá mér eitthvað geggjað gervihnattadót og vera með 200 stöðvar þannig að ég gæti horft á sjónvarp allan sólarhringinn. Svo myndi ég fá mér besta rúm í heimi og svo myndi konan auðvitað þjónusta mann... þá kannski væri þetta ekki svo slæmt.. jú reyndar. En allavega skárra en að drepa sig... það held ég nú.

2003-03-24T13:47:00.000Z

Enn einn bloggari...
Rétt í þessu setti ég nýjan bloggara í bloggarasafnið hér til vinstri en það er drengur að nafni Smári McCarthy. Mjög merkileg og skemmtileg skrif hjá dreng...

2003-03-23T22:22:00.000Z

Ósamræmi Samfylkingarinnar
Hvers vegna stendur á því að Samfylkingarfólk er á móti stríðinu í Írak en var með stríðinu í Kosovo á sínum tíma? Ástæða Össurar Skarphéðinssonar, formanns Samylkingarinnar og annarra forystumanna flokksins fyrir því að þetta stríð sé óásættanlegt er sú að stríðið hafi ekki hlotið samþykki Öryggisráðsins og sé því brot á Alþjóðalögum. Samt lýsti Össur opinberlega yfir eindregnum stuðningi við stríðið í Kosovo á sínum tíma þrátt fyrir að það hafi heldur ekki hlotið samþykki Öryggisráðsins. Og vitið hverju Samfylkingarfólk svarar þessum ásökunum? Jú, þau svara því til að stríðið í Kosovo hafi verið háð af mannúðarástæðum, en stríðið nú í Írak sé háð vegna annarra ástæðna. Jafnaðarmenn hafa sagt að ráðist hafi verið á Kosovo vegna stríðsglæpa þeirra sem þar stjórnuðu og að mannréttindi fólksins hafi þar verið fótum troðin. Víst er það hárrétt en ætla jafnaðarmenn virkilega að halda því fram að mannúðarástæður séu ekki meðal þeirra ástæðna vegna innrásar í Írak? Ætlar Samfylkingin virkilega að neita því að Saddam Hussein sé búinn að vera að fremja stríðsglæpi í 30 ár og að mannréttindi fólks þar séu fótum troðin? Hverslags málflutningur er þetta hjá Samfylkingunni? T.d. er í lögum í Írak að bannað sé að andmæla Saddam. Sá sem það gerir verður pyntaður og myrtur. Þrátt fyrir að "aðal" ástæða bandamanna fyrir þessu stríði sé til að afvopna Saddam og stuðla að friði í heiminum, sem að mínu mati voru mistök því ég tel að það hefði mátt ná meiri samstöðu með öðruvísi forgangsröðun á ástæðum þessa stríðs, þá eru mannúðarástæður að sjálfsögðu stór þáttur í þessu öllu saman. Og ef svo er, hver er þá munurinn á þessu stríði og stríðinu í Kosovo? Hann er nefnilega sáralítill. Eini munurinn er að meiri samstaða var með Kosovo stríðinu en er núna. Og einnig er sá munur að núna er Samfylking á móti vegna þess að ekki liggur fyrir samþykki Öryggisráðsins en var með stríðinu í Kosovo þrátt fyrir að þar hafi einnig ekki legið fyrir samþykki Öryggisráðsins. Hvernig væri nú að vera einu sinni samkvæmur sjálfum sér og hætta að sleikja rassgatið á kjósendum, það er ekki farið fram á meira en það.

2003-03-23T21:32:00.000Z

Loksins loksins...
er þetta nýja og endurbætta útlit orðið frágengið!!! Vegna góðra undirtekta við þessari síðu þá ákvað ég að breyta um útlit enda hitt sem var áður ekki nógu gott að mínu mati. En þótt þetta sé ekkert rosalegt þá er þetta helvíti búið að kosta mig blóð svita og tár skal ég segja ykkur!!! En þetta tókst sem betur fer, eini gallinn er sá að ég þurfti að eyða öllum postunum út og setja þau aftur inn og það orsakaði það að öll yndislegu kommentin sem höfðu komið á bloggin eru því miður farin til fyrirheitna landsins og syngja eflaust sorgarsöngva þar. En það er vonandi að fólk verði bara enn duglegra að kommenta eftir þessar breytingar og ég ætla að vona að þær haldi... friður inn og út...!

2003-03-23T19:35:00.000Z

Lagfæringar og endurbætur...
Eins og glöggir lesendur einsakalda hafa tekið eftir hefur síðan verið í skralli í allan dag enda hef ég verið að skipta um útlit á henni.... þetta fer allt að koma.. :)

2003-03-23T19:34:00.003Z

Fleiri bloggarar...
Setti inn nokkra nýja góða bloggara inn hér hægra megin ... endilega kíkið á þá...

2003-03-23T19:34:00.002Z

Gleraugnaglámar...
Hvort er betra að vera með gleraugu eða ekki gleraugu? Eru þeir sem eru með gleraugu gáfaðri eða heimskari en hinir sem ekki eru með gleraugu? Ég held að gleraugnafólk sé gáfaðra svei mér þá. Hérna áður fyrr var mikið strítt útaf gleraugum þaraðsegja þegar maður var lítill... þá vorkenndi maður krökkum með gleraugu.. það var bara annarsflokks hyski sem vissi ekkert í sinn haus. En þetta er allt öðruvísi í dag.. Nú er inn að vera með gleraugu og þeir sem ganga með þetta drasl eru meira að segja meira virtir en hinir sem hafa ekkert framan í sér... þeir eru svo tómlegir eitthvað.. enda sést það vel að þegar ég er ekki með gleraugun mín þá þekkir mig enginn... ég gæti farið og rænt banka án gleraugnanna og það myndi enginn þekkja mig... segir nokkuð.....

2003-03-23T19:34:00.001Z

Veikur í helvíti
Já þá er maður bara orðinn veikur og gerðist það helvíti í gær. Með hita, hósta, hausverk og bara allan pakkann. Er búinn að vera að þamba norska brjóstdropa og gleypa parkódín í gríð og erg því eitthvað verður maður að gera til að láta sér líða betur. Og maður er bara búinn að vera hálf mjúkur af þeim norsku... nei ekki alveg en djöfull eru þeir góðir þessir norsku... Heyja Norgé!! En fari Andrés Sigmundsson norður og niður og ætti sá maður að segja af sér forystuhlutverki Framsóknar í Eyjum enda búinn að mæta fullur á fleiri en einn og fleiri en tvo bæjarstjórnarfundi og það sér það hver maður að það er ekki boðlegt. Þakka góð ummæli um síðu þessa sem ég hef fengið í tölvupóstum og hér og þar... viðtalshornið á eftir að koma mjög sterkt inn á næstu vikum með viðtölum við þjóðþekkta einstaklinga en bless í bili og ég ætla að reyna að kyngja hérna... mjög svo erfitt og vont......

2003-03-23T19:34:00.000Z

"Inn" í dag að vera á móti stríði
Eins og allir vita eru Bandaríkjamenn búnir að ráðast inn í Írak og eru búnir að vera að bomba hernaðarleg skotmörk og hallir Saddams síðan síðustu nótt, með hléum þó. Það er alveg ljóst að stríð er alltaf hörmulegt og sorglegt að ekki skuli hafa náðst önnur lausn á þessu máli. Hins vegar er ljóst að að Saddam Hussein er fjöldamorðingi og blettur á umheiminum. Það eru allir sammála því að koma þarf honum frá völdum og þótt mun fyrr hefði verið. Hef ég ekki enn fyrirgefið Bandaríkjamönnum eða réttara sagt George Bush eldri, þá ákvörðun að svíkja uppreisnarmenn í Írak árið 1991. Þar hvatti Bush Kúrda og aðra uppreisnarmenn til að steypa Saddam af stóli og lofaði þeim öllum þeim stuðningi sem þeir þyrftu. Hafin var uppreisn, en svo kom enginn stuðningur frá Bush. Hann hætti allt í einu við að styðja við uppreisnarmenn og þeir voru svo pyntaðir og myrtir af Saddam vegna þess að þeir máttu ekki við margnum. Hef ég aldrei skilið þessa ákvörðun Bush, sem einkenndist af heigulskap og má í raun segja að hann hafi sent þúsundir manna út í opinn dauðann.

Eftir Persaflóastríðið var Saddam settar mjög strangar skorður hvað varðar vopn og hernaðaruppbyggingu. Engu að síður hefur honum tekist að búa til eða kaupa sýkla- og efnavopn auk annarra vopna s.s. Scud flauga sem Írakar skutu á Kúveit í dag, en þeir höfðu þvertekið fyrir að eiga svona flaugar. Síðan 1991 hafa tugir ályktana verið gerðar í Öryggisráði Sameinuðu Þjóðanna er miðuðu að afvopnun Íraks. Saddam hefur svikið þær allar, allan þennan tíma. Svo segir fólk í dag að það sé ekkibúið að reyna nógu mikið! Eru tólf ár ekki nógu langur tími? Það er ekki eins og þetta afvopnunarferli hafi byrjað í nóvember s.l. eins og svo rosalega margir halda. Það er búið að reyna allt til að afvopna Saddam en það hefur ekki enn tekist. Því er eina leiðin til þess að gera það, árás á hann og flæma hann frá völdum. Svo er annar mikill misskilningur í gangi hjá fólki. Það er ekki verið að ráðast á saklausa borgara í Írak. Það er verið að ráðast á Saddam og hans menn og hernaðarlega mikilvæg skotmörk. Auðvitað fer þó svo, í þessu stríði sem og öllum öðrum, að mannfall verður meðal saklausra borgara. Er það auðvitað hræðileg staðreynd en fólk má þó ekki taka þann pól í hæðina að verið sé að ráðasta á almenna borgara, eins og svo margir vilja halda fram.

Það er alveg ljóst að George Bush yngri hefur ætlað í stríð við Saddam síðan hann var kosinn forseti landsins í umdeildum kosningum. Hins vegar hefur málflutningur Bandaríkjamanna til að réttlæta þetta stríð verið sorglega misheppnaður. Fyrst átti Saddam gereyðingarvopn, ekki tókst að sanna það. Þá þurfti að finna nýja ástæðu. Saddam tengdist hryðjuverkasamtökunum Al-Queda. Ekki tókst að sanna það. Þá þurfti að finna nýja ástæðu. Saddam er harðstjóri og illmenni sem hefur myrt og pynt þjóð sína í þau 24 ár sem hann hefur verið við völd. Það er alveg hárrétt og það er akkúrat ástæðan fyrir því að ég er með þessu stríði, þó hef ég verið mjög lengi efins um afstöðu mína í þessu máli en ég varð fullviss í minni sök í gær. Mín skoðun er sú að ef Bandaríkjamenn hefðu vandað sig aðeins betur í að reyna að sannfæra ríki heims um þetta stríð þá væru ekki svona mörg ríki á móti eins og raun ber vitni um.

Það sem eftir stendur er þetta: verið er að frelsa Íraka í bókstaflegri merkingu. Í landinu búa 24 milljónir manna og 16 milljónir eru við hungurmörk. Saddam hefur myrt mörg hundruð þúsund manns á valdatíma sínum og á hverjum degi falla menn fyrir hans hendi. Ef allt verður eðlilegt þá ættu Bandaríkjaher ekki að missa marga menn. Hins vegar er mesta hættan á að óbreyttir borgarar Íraks láti lífið og er hræðilegt að hugsa til þess. Það er samt alveg á hreinu að allt það mannfall sem Írakar verða fyrir mun verða bætt upp hundraðfalt á næstu árum ef Saddam og hans hyski fer frá völdum.

Allir eru á móti stríði. Líka þeir sem styðja þetta stríð. Aðrar aðgerðir eru einfaldlega ekki mögulegar gegn fjöldamorðingjanum og harðstjóranum Saddam Hussein. Flestir þeir sem eru á móti stríðinu eru það vegna þess að það er eins og það sé "inn" í dag að vera á móti stríðinu en í flestum tilvikum þekkir þetta fólk ekki allar staðreyndir málsins. Horfum bara á þessa staðreynd: Það er verið að bjarga hundraðfalt fleiri mannslífum með því að koma Saddam frá völdum heldur en látast í þessu stríði. Og eftir að bandamenn náðu yfirráðum yfir einni útvarpsstöðinni í Bagdad í nótt heyrðist í fréttamönnum stöðvarinnar: "Þetta er dagurinn sem allir Írakar hafa beðið eftir." Það segir meira en þúsund orð.

2003-03-23T19:33:00.001Z

Viðtalshornið...
Ég hef ákveðið að hafa sérstakan hlekk fyrir viðtölin sem ég ætlaði að hafa með greinunum. Ástæðan er sú að mörg massa viðtöl eru á leiðinni og vill ég leyfa þeim að njóta sín ein og sér. Er eitt þegar komið inn. Það er enginn annar en Elliði Vignisson sem á dögunum fékk Óskarinn fyrir besti kennari FÍV og óskum við honum til hamingju með það. Átti Dr. Gunni að ríða á vaðið en þar sem hann er ekki enn búinn að svara mér ákvað ég að Elliði fengi þennan heiður. Smellið á "Viðtöl við hina og þessa" undir Rýninum hér til hægri... Njótið vel... ;)

2003-03-23T19:33:00.000Z

Meirihlutinn að springa?
Eins og bæjarbúar hafa væntanlega heyrt þá er meirihlutasamstarf Sjálfstæðisflokks og Framsóknarflokks í bæjarstjórn Vestmannaeyja í hættu. Skv. Andrési Sigmundssyni oddvita Framsóknar í bæjarstjórn þá er hann gríðarlega óánægður með framgöngu nefndar þeirrar sem skilaði af sér skýrslu fyrir stuttu síðan um samgönguúrbætur við Vestmannaeyjar og í eiga sæti þeir Guðjón Hjörleifsson og Arnar Sigurmundsson bæjarfulltrúar Sjálfstæðisflokksins. Hótar Andrés að ef samgönguráðherra gangi að þessum tillögum þá sé meirihlutinn fallinn. Er Andrés fyrst og fremst mjög ósáttur við það að nefndin skyldi hafa útilokað háhraðaferju sem einn valkost í stöðunni. Andrés var í viðtali á þriðjudag á RÚV og sagði hann þar að hann væri einnig ósáttur við það, að ekki verði tekin ákvörðun um framtíðarlausn í samgöngumálum fyrr en árið 2006, og að ekki færi neitt að gerast fyrr en í fyrsta lagi 2009-10 í samgöngumálum Eyjamanna. Í fyrsta lagi er miklu mun skynsamlegra að rannsaka bæði jarðgöng og bakkafjöru og klára þau mál áður en farið verður útí einhverjar kostnaðarsamar aðgerðir, eins og nýjan Herjólf eða annað, því jarðgöng og höfn í Bakkafjöru eru langskynsamlegasti kosturinn. Við vitum það frá reynslu okkar hin síðari ár, að það er ekki beint verið að dæla peningum í samgöngur hér á milli. Því verðum við að nýta hverja krónu sem við fáum og fara rétt að þessu, athuga fyrst dýrustu en jafnframt bestu leiðirnar og vinna út frá því.
Til að lesa alla greinina smellið þá á Greinar og viðtöl hérna til vinstri eða einfaldlega með því að smella hér...

2003-03-23T19:31:00.003Z

Greinar og viðtöl!!
Nú hefur enn ein rósin bæst í hnappagat þessarar síðu en það er nýr hlekkur sem ber nafnið "Greinar og vidtol" og á að sjálfsögðu að þýða "Greinar og viðtöl" eins og þið kannski voruð fullfær um að átta ykkur á en ég vildi allavega hjálpa hinum sem voru ekki vissir. Hann er hérna til hægri og er undir "Rynirinn" en þar er einnig kvikmyndagagnrýni mín. Undir þessum hlekk, þ.e. "Greinar og vidtol" sem þýðir að sjálfsögðu "Greinar og viðtöl", þá hef ég sett nokkrar greinar sem ég hef skrifað og mun setja þær framvegis þar inn því ég nenni ekki að setja þær allar í heild sinni inná þetta blogg því það er kannski einhverjir þarna úti sem nenna ekkert að lesa svona langt .. þó ég efist um að það séu margir. En það verður að þjónusta þá líka. er þaggi annars?? En svo mun ég henda inn þarna líka greinum sem ég þýði úr erlendum tímaritum því ég hef svo óskaplega gaman að því. Maður er alltaf að æfa sig í enskunni því ef maður ætlar að skella sér til stóru Ameríku þá er nú betra að hafa þýtt nokkrar greinarnar skal ég segja ykkur! Og Elliði ætlar að sjá um öll þessi mál fyrir mig, þ.e. þessi skólamál. Hann tjáði mér það á árshátíðinni á föstudagin og þakka ég honum mikil veg fyrir það. En einnig ætla ég mér að taka viðtöl við nokkra valinkunna einstaklinga í þjóðfélaginu og líka miður kunna einstaklinga og kannski líka einhverja sem kunna ekkert í neinu... en það er bara vel og munu þið eflaust hafa gaman af þessum viðtölum í framtíðinni... Var að spá í að byrja á kónginum Dabba... ætli hann svari mér ??

2003-03-23T19:31:00.002Z

Bjarki "Meðalltniðrum" Sig
Hvernig væri nú ef forsvarsmenn Aftureldingar myndu nú sjá sér sóma sinn í því að reka Bjarka Sig þjálfara liðsins. Ég meina þetta er sorglegur þjálfari og örugglega einn sá lélegasti í deildinni!! Hann er búinn að vera með þetta Aftureldingar lið í einhver ár og alltaf drulla þeir á sig þrátt fyrir massa mannskap. En ekkert toppar árið í ár. Hann er með mjög góðan mannskap í höndunum, hver einasti maður í þessu liði væri næstum því í byrjunarliðinu í hvaða liði sem væri á landinu fyrir utan kannski Hauka og Val... ég meina þeir eru að tapa fyrir kjúklingunum í ÍBV á heimavelli og fleiri liðum. Þessi mannskapur hlýtur að kosta eitthvað og ótrúlegt að þeir séu ekki búnir að reka NiðrumSig fyrir löngu síðan... alveg með ólíkindum, með ólíkindum en hann fær + helvítið á honum fyrir að vera maður með skýra hugsun, þ.e. sjálfstæðismaður.....

2003-03-23T19:31:00.001Z

Gísli Mar-Teinn
Hvað er með Gísla Martein og þessa þætti sem hann er með á laugardagskvöldum?? Þetta eru svosem ágætis þættir en þeir eru bara .. ég veit ekki hálf svona vandræðalegir eitthvað.... hann situr liggur við ofaní viðmælendum sínum og svo er eitt sem fer alveg svakalega í taugarnar á mér og það er að maðurinn hlær allan þáttinn og oft yfir einhverju sem er ekkert fyndið! Hann rembist eins og rjúpa við staurinn að hlæja allan þáttinn... hvað er það? Er hann hræddur um að viðmælendurnir skalli sig ef hann hlæji ekki nógu mikið? Þeir sitja allavega nógu nálægt honum til þess að geta það.!! Ég hvet ykkur til að taka eftir þessu í næsta þætti, hann hlær og hlær og hlær og hlær... en annars er Gísli Marteinn fínn kall, gæti verið eldri bróðir Skapta nema Gísli Marteinn er aðeins fríðari....

2003-03-23T19:31:00.000Z

K-19 söluhæsti mynddiskurinn!!
Það kemur fram á mbl.is í dag að K-19 - Ekkjuskaparinn sé söluhæsti mynddiskurinn um þessar stundir hér á landi. Hvað er að fólki? Kaupir fólk bara myndir til að kaupa myndir? Þessi mynd er ein lélegasta kvikmynd sem gerð hefur verið og að fólk skuli kaupa þessa mynd er hreinlega móðgun við kvikmyndaiðnaðinn!!

2003-03-23T19:30:00.000Z

Besta sjálfsmark allra tíma
Í lok apríl árið 1984 léku Fylkismenn við Ármann í Reykjavíkurmótinu í knattspyrnu. Leikurinn fór 3-2 fyrir Fylkismenn, sigurmarkið var nokkuð skrautlegt:
Markvörður Ármanns hafði náð boltanum af sóknarmanni Fylkis er sóknarmaðurinn hljóp inn í mark Ármenninga til að fá sér sopa af vatnsbrúsa sem þar var. Markvörðurinn rauk á eftir honum með boltann í fanginu og reif af honum brúsann, en fór yfir marklínuna með boltann í leiðinni. Dómarinn dæmdi umsvifalaust mark. Markvörðurinn mótmælti svo harkalega að honum var að lokum vikið af leikvelli.
Tekið af fotbolti.net

2003-03-23T19:29:00.001Z

Helgin á enda...
Jæja þá er þessi helgi á enda runninn og er það svosem bæði jákvætt og neikvætt. Þessi helgi var þó soldið skrýtin... á fös var farið á árshátið, á lau var maður beðinn að koma í vinnu í Vinnsló og bara vegna þess að ég var ótrúlega sprækur þá gerði ég það og þrátt fyrir smá þynnku inná milli var þetta ágætt og ég sá sko ekki eftir þessu eftir á. Svo á sunnudagsmorguninn var farið á vakt í frystitogarann Huginn og var það nokkuð skrýtið og skemmtilegt að sjá allar þessar græjur. Ég bjóst bara við venjulegri tækjavinnu eins og frystihúsunum og flestum frystitogurum og mætti bara í skóm og látum.. svo komst ég að því að þessar frystigræjur eru allt öðruvísi en maður á að venjast og verð ég að segja að það er leiðinlegra að vinna við þessar nýju græjur, maður var liggur við að synda í hrognum. En þetta er ótrúlega tæknilegt og miklu mun betri græjur en þessar venjulegu. Ég var á vakt með Bjarna Rúnari og Grím á Felli pabba Ölla, Aldísi og Elfu Dögg öll á Felli og kappinn sá er sko flottur á því. Það fór svo að við settum met á þessari vakt en aldrei höfðu verið tekin fleiri en 15 tæki í hrognafrystingu um borð en við náðum 17 tækjum!!! Þrátt fyrir fullt af stoppum vegna smábilana... en við sjóararnir létum það ekki á okkur fá og tókum á því eins og sjóurum sæmir eða bryggjurum kannski.. því skipið var jú bundið við bryggju.. en það er nú aukaatriði...
En farið var á árshátið á föstudagskvöldið og var það ágætt. Þetta var þriðja árshátíðin sem ég fór á og fannst mér hún sú leiðinlegasta af þeim öllum. Var það vegna þess að það vantaði algjörlega veislustjóra með prógram því það voru alltof langar pásur á milli atriða. Ekki það að Erna Ósk og Eygló hefðu staðið sig eitthvað illa, þvert á móti stóðu þær sig mjög vel en þær voru beðnar um að vera kynnar hálftíma fyrir árshátíðina og ekki hægt að ætlast til að þær hefðu eitthvað prógram. Einnig var maður, eins og mjög margir, frekar pirraðir að bíða eftir matnum en hann dróst um rúmlega klukkutíma sem er ekki nógu gott og svo þegar á hólminn var komið þá voru þetta bara 2-3 réttir eða eitthvað en ekki hlaðborð eins og hefur verið undanfarin ár. En maturinn smakkaðist vel þrátt fyrir það. Nú við byrjuðum á að fá okkur öllara heima hjá mér, ég, Binni aka Bönker, Grétar aka Rottan Sátta og Kalli aka Þrennan, Kalli.is og fleiri skemmtileg nöfn. Síðan héldum við heim til Víðis en svo var fljótlega haldið niðrí Týsheimili til að ná almennilegu borði og það tókst enda var frátekið borð fyrir okkur í X-Nemó ! Nokkuð nett!! Síðan var bara étið og horft á skemmtiatriði og drukkið og bullað og kallað og allt brjálað. Vorum við á mínu borði mjög yfirlýsingaglaðir á þessu kvöldi og vona ég að engum hafi orðið meint af .... það var ekkert af þessu illa meint. En skemmtiatriðin voru fín, Anna Sigga söng frábærlega og hálf táraðist maður við það, flott dansatriði og svo þetta hefðbundna minni allra. Eitt sem var sorglegt og það var þegar Raggi Óskars, sem flutti minni nemenda, endaði minnið á að ræða um Íraksmálið "að nú væru Bandaríkjamenn að fara að bomba jafnaldra okkar í Írak og við ættum ekki að leyfa þeim að komast upp með það" og eitthvað meira bullaði hann. Ég virði þessa skoðun hans 100% og er meira að segja sjálfur ekki búinn að mynda mér endanlega skoðun á þessu öllu saman. En þetta var enginn vettvangur fyrir þessi ræðuhöld og þau pössuðu engan veginn. Finnst mér skrýtið að maður eins og Raggi sem hefur þessa reynslu í pólitík, þó alltaf hafi í minnihluta verið, skuli nýta sér þennan vettvang undir þessa ræðumennsku.
En svo var bara haldið heim um 3 leytið enda allir vinir mínir aumingjar. Þessir vinir mínir hafa verið að röfla í manni í þrjá mánuði um að detta í það með sér og segjandi hluti eins og "þú ert algjör aumingi einar að detta ekki í það" og þar fram eftir götunum. Svo þegar þeim tekst loks takmarkið að fá mig með sér á fyllerí þá eru þeir annaðhvort sleikjandi kærustur sínar upp allt kvöldið, eða þá sumir sem fóru heim kl 12 til kærustunnar þrátt fyrir að vera á fylleríi!! eða þá voru hálfdauðir og reynandi við allt sem hreyfðist eða þá að þeir voru að keppa í handbolta. Þetta er sorglegt og alveg á hreinu að ég dett ekki í það með þessum aumingjum á næstunni.
Gallar kvöldsins:
- Vantaði algjörlega veislustjóra - löng bið eftir matnum og á milli atriða
- Of fáir réttir í matnum
- Vinirnir = aumingjar
- Síðasta árshátíðin því maður er orðinn svo gamall
Kostir kvöldsins:
- Kommúnistum var komið frá völdum því ný stjórn NFFÍV er sjálfstæðisstjórn
- Fékk far heim eftir ballið hjá Arndísi Báru - þúsund þakkir...
- Góður matur
- Góð skemmtiatriði
- Datt frítt í það vegna veðmála í snóker þar sem maður vann sér inn helling af bjór
- Missti titilinn Alki Skólans sem var auðvitað brandari útaf fyrir sig í fyrra en "Skólafylleríið" skilaði mér þessum titli. Þetta var farið að hafa áhrif á mig andlega og því var gott að losna við þetta

Hvaða sögur gengu eftir árshátíðina?
- Kalli.is fór heim með tveimur ungum meyjum og segir sagan að hann hafi sofnað á milli þeirra. Gerðist það fyrir eða eftir ...... eða gerðist kannski ekkert.......?
- Par skólans er í raun ekki Ívar og Arndís heldur María Sif og Geiri..........
- Jói Formaður kaus sjálfan sig í kosningunni um mann skólans en varð ekki kápan úr því klæðinu.........
- Stymmi er vagúmpakkaður einstaklingur og er í beisli í þokkabót.........
- Áður en Kalli.is fór heim með tveimur ungum meyjum þar sem sem sagan segir að hann hafi sofnað á milli þeirra, var hann með Ingibjörgu Þórðar (fyrrverandi Hlyns ágústs)
- Herdís Hermanns og froskurinn Kermit úr Prúðuleikurunum hafa átt vingott uppá síðkastið.......

2003-03-23T19:29:00.000Z

við erum í góðum flemmara hérna og allira að kikja á árshátíðina í týsheimilnu.... það sem verður boðið upp kertaljós og klæðin rauð og mun ný stjórn vera krýnd. Allir góða skemmtun? endilega komið og tjattið við okkur einza kalda, því við ætlum að vera öflugir í þeim bransa. Þar sem Land og Synir trylla lýðinn og munum við einar taka Þjóðhátíðarlagið og munu allar konurnar eða stelpurnar bráðna af snildinni frá okkur?
Karl Haraldsson´
Fyrrum fréttaritari Morgunblaðsins í Vestmannaeyjum
Golfari með meiru og Þýðari

2003-03-23T19:28:00.001Z

Ár liðið....
Í gær var akkúrat ár liðið frá því að ég og Hörður félagi fórum á fyllerí uppí skóla þar sem við héldum besta útvarpsþátt í heimi. Eins og menn muna þá vorum við reknir úr skólanum fyrir athæfið en sem betur fer var það bara í fjórar vikur. Og þar sem ég hafði ekki fengið mér bjór í tæplega 3 mánuði þá ákvað ég í gærkvöldi, ásamt Kalla og fleirum, að hita aðeins upp fyrir árshátíðina sem við erum einmitt að fara á núna. Við byrjuðum á því að horfa á Liverpool ógeð spila á móti Celtic þar sem Diouf varð svo frægur að hrækja framan í 16 ára stelpu á áhorfendapöllunum og er búið að kæra hann fyrir vikið!! Síðan var haldið í Eyverjasalinn þar sem var eitthvað smá teiti og var ekkert sérstakt þar. Ákváðum við því að kíkja á Fúsa félaga okkar á bara Mánanna og fengum við okkur þar 2 öllara. Síðan var haldið aftur í Eyverjasalinn þar sem allt í einu hafði myndast gríðarleg stemning en um 2 leytið þá neyddumst við til að offa partýið þar sem við vorum að fara heim og tók það mig sárt að offa svona stemmara en svona er lífið, það eru ekki alltaf jólin.. og það er ekki alltaf stemmari.. og það er ekki alltaf öllari... og það er ekki alltaf R.E.M. og hananú. En svo ákváð ég og Kalli áður en við fórum heim, að kíkja aðeins á bryggjurnar og kíkja á vertíðarstemninguna þótt þessi vertíð sé eiginlega ekki vertíð og bara algjör skítur! Byrjuðum við á að kíkja á Kapina þar sem faðir var hálfsofandi í borðsalnum og ekkert gaman að því þannig að við kíktum á Gandí sem var akkúrat að koma inn og við töffararnir tókum spottana hjá þeim, algjörir naglar. Svo var haldið í Huginn en allir sofandi þar og þaðan rakleiðis í Ísleif sem var að koma inn. Tókum við spottana og spjölluðum við sjóarana og sögðum kjaftasögur og meðtókum kjaftasögur og ekkert nema gaman að því, NEEETTTUUUUUUUUUUURRRRRRRRRRRRR!!!!!!!!!!!!!
Svo var ákveðið að halda bara heim á leið og lagt sig og nú er maður búinn að sturta 2 öllurum niður enda helgarfrí í boltanum og eina helgin sem maður getur legið í marineringu eiginlega fram að þjóðhátíð þannig að góða árshátíð og á morgun kemur fylleríssagan öllsömul. BLEEEEEEEEEEEEEEEEEEE ... og NEEETTTUUUUURRR!!!

2003-03-23T19:28:00.000Z

Svar Menntamálaráðherra
Ég sendi menntamálaráðherra bréf á sunnudaginn sem má lesa hér neðar á síðunni og haldiði ekki að kallinn hafi bara svarað mér strax daginn eftir! Bjóst ég ekki við því svo sem en tvisvar áður hef ég sent bréf til pólitíkusa og varðaði það ritgerð sem ég var að skrifa í stjórnmálafræði og sendi ég Birni Bjarnasyni og Ingibjörgu Sólrúnu tölvupóst. Fékk ég svar frá Birni tveimur dögum seinna en aldrei spurðist af svari Ingibjargar.....
En hérna kemur svar Tómasara Inga og er alveg á hreinu að ég ætla mér að nuða og tuða í þessum köllum þar til ég fæ almennileg svör og eigum við ekki bara að segja að ég hætti ekki fyrr en þessu verður breytt!! :)

Heill og sæll,
Þakka þér fyrir fyrirspurnina. Ég mun biðja skrifstofustjóra skrifstofu
menntamála, Sólrúnu Jensdóttur, að afla þér upplýsinga um þá þjónustu, sem
Lánasjóður íslenskra námsmanna býður þeim sem ekki geta stundað háskólanám
frá heimili sínu.
Hvað varðar Íbúðalánasjóð og þau aldurstakmörk, sem þú nefnir, skal ég snúa
mér til félagsmálaráðherra og spyrjast fyrir um málið.
Fáar þjóðir hafa gengið lengra en Íslendingar í þeirri viðleitni að gera
nám á háskólastigi aðgengilegt fyrir sem flesta. Háskólastarfsemi hefur
vaxið hér á landi mjög hratt, einkum sl. 10-15 ár. Er nú svo komið að við
erum í fremstu röð eftir ýmsum alþjóðlegum mælikvörðum. Hins vegar er það
rétt hjá þér að við þurfum að ganga lengra í að jafna aðstöðu nemenda miðað
við búsetu.

Með bestu kveðju,
Tómas Ingi Olrich, menntamálaráðherra / Minister of Education, Science and
Culture
Menntamálaráðuneyti / Ministry of Education, Science and Culture
150 Reykjavík / IS-150 Reykjavik
Ísland / Iceland

2003-03-23T19:27:00.002Z

Hugleiðingar um konurassgöt
Mín reynsla af konum (og hef ég alltöluverða reynslu af þeim!!!) er sú að þær halda að þær mega segja hvað sem er við karlmanninn en um leið og karlmaður segir eitthvað við konu þá tryllist hún!
Hún: "Þú ert nú meira fíflið!"
Hann: "Heh, ég fífl? Ónei góða mín, ég er snillingur!"
5. mín seinna:
Hann: "Ohhh, þú ert nú meiri hálfvitinn!"
Hún: "Hvað sagðiru??!!!"
Hann: "Uuuu, þú ert nú meiri hálfvitinn..."
Hún: "Djöfull er þetta óþolandi! Ég er komin með alveg nóg af því að þú sért að kalla mig öllum þessum nöfnum!"
Svona er reynsla mín af öllum konum, er þetta upplifunin hjá öllum karlkyns eða er þetta bara ég??

2003-03-23T19:27:00.001Z

Ferskeytlan...
Ekki var það betra hér, hér og vera smera sker
segðu vinur komdu bér
skelltu þér í séramér....

nei þetta er glatað....
Klíkuskapur píkuskapur!!!

2003-03-23T19:27:00.000Z

Gunnar Smári kom vel út í Silfri Egils í gær... NOT!!!!
Hvernig getur fólk haldið því fram eins og Hjördís gerir á heimasíðu sinni, að Gunnar Smári hafi komið vel útúr Silfri Egils í gær?? Að mínu mati finnst mér Gunnar Smári vera algjör snillingur, hann er með flottar skoðanir, góðan húmor og ég hef alltaf fílað hann virkilega mikið. En þetta "Fréttablaðsdjók" allt saman hefur dregið mjög úr áliti mínu á honum en mér finnst hann engu að síður flottur kall. En hann gjörsamlega skeit í brækurnar í Silfri Egils það hlýtur hver maður að hafa séð það (nema Hjördís greinilega :) Hann sat þegjandi löngum stundum því hann veit uppá sig skömmina, þ.e. að vera að vinna fyrir Baug og Jón Ólafsson og ekkert má gefa upp. Svo loksins þegar hann kom að þá varð hann fljótlega kjaftstopp og gerðist það tvisvar eða þrisvar að hann varð gjörsamlega kjaftstopp og kom þessi þvílíki aula og skömmustulegi svipur á hann. Það er einfaldlega ekki hægt að segja að hann hafi komið vel út úr þessum þætti, ekki hægt, ekki hægt.

2003-03-23T19:26:00.002Z

Svo er einn hérna fyrir Magna...
Þrír menn - Frakki, Þjóðverji og Pólverji sátu á bar. Inn á barinn labbaði svertingi í leit að slagsmálum. Hann settist niður, pantaði bjór, fékk sér sopa, gekk að Frakkanum og sló hann og sagði: "Mér finnst gott að ríða hvítum konum." Frakkinn leit á hann og sagði: "Það er nú gott."
Síðan labbaði svertinginn að Þjóðverjanum, lamdi hann í öxlina og sagði: "Mér finnst gott að ríða hvítum konum." Þjóðverjinn leit á hann og sagði: "Gott hjá þér."
Svertinginn settist niður og fékk sér annann sopa af bjórnum, stóð síðan upp, labbaði að Pólverjanum, lamdi hann í bakið og sagði: "Mér finnst gott að ríða hvítum konum."
Pólverjinn sat og hugsaði í augnablik og sagði síðan: "Ég skil þig fullkomlega. Mér finnst ekkert gott að ríða þessum svörtu heldur."

2003-03-23T19:26:00.001Z

Brandari Dagsins
Vitið þið hversvegna kýlaveikin kom upp í Elliðaánum í sumar?
Jú, Ingibjörg Sólrún borgarstjóri óð vatnið upp í klof þegar hún opnaði árnar í vor.

2003-03-23T19:26:00.000Z

Bréf til menntamálaráðherra
Ég sendi menntamálaráðherra bréf í gær varðandi málefni landsbyggðarnema sem hyggja á framhaldsnám í Reykjavík. Þar sem við stöndum engan veginn við sama borð og nemar í Reykjavík ákvað ég að hripa niður nokkur orð og senda menntamálaráðherra. Birti svo svar hans þegar það kemur (ef það kemur!)

Vestmannaeyjum, 9. mars 2003
Hr. Tómas Ingi Olrich
Menntamálaráðherra.

Komdu sæll.
Ég heiti Einar Hlöðver Sigurðsson og er 19 ára nemi í Framhaldsskólanum í Vestmannaeyjum. Ég mun útskrifast þaðan núna í vor og ætla mér síðan í framhaldsnám eftir eitt ár.
Þegar ég kem að þessum tímapunkti að útskrifast úr framhaldsskóla, sem er jú einn stærsti tímapunkturinn í lífi hvers og eins, tekur við mikil vinna að skipuleggja framhaldsnámið. Ég þarf að ákveða hvað ég ætla að læra, og vegna þess að ég bý úti á landi þarf ég að ákveða hvenær ég ætla að fara til Reykjavíkur, ég mun þurfa að sjá fyrir mér algerlega sjálfur og síðast en ekki síst, þarf ég að finna mér þak yfir höfuðið.
Ég hef þegar tekið þá ákvörðun að bíða í eitt ár áður en ég fer í háskóla þar sem það gengur ekki að ég fari til Reykjavíkur með tvær hendur tómar og ætla ég því að vinna í eitt ár, þ.e.a.s. ef ég fæ einhverja vinnu, því atvinnuástandið hér er vægast sagt dapurt, eins og reyndar víðast hvar á landinu í dag.
Núna síðustu vikur hef ég svo verið að velta fyrir mér því allra mikilvægasta, þ.e. hvernig ég kem mér þaki yfir höfuðið á námstímanum. Þær leiðir sem eru í boði fyrir krakka sem koma utan af landi eru þrjár (þ.e.a.s. ef foreldrar þeirra eiga ekki íbúð á höfuðborgarsvæðinu). Í fyrsta lagi er það að leigja á stúdentagörðunum, í öðru lagi er að leigja íbúð og í þriðja lagi er að kaupa íbúð. Þar sem leigan í Rvk í dag er frá bilinu 50-70.000 á mánuði, kemur það ekki til greina af minni hálfu. Þessi leigumarkaður er auðvitað hreinasta grín og ótrúlegt að svona kerfi sé við lýði. Finnst mér að þú ásamt öðrum ráðherrum í ríkisstjórninni eigi að beita sér fyrir því að lög séu sett á þennan leigumarkað, og þótt fyrr hefði verið. En það er nú annað mál. En þótt leigan á stúdentagörðunum sé mun ódýrari en á íbúðum, þá er ég bara engan veginn tilbúinn að fleygja öllum þessum peningum útí buskann. Eftir stendur þá að langskynsamlegasti kosturinn er hreinlega að kaupa sér íbúð. Afborgunin væri mun minni á mánuði heldur en ef maður leigði og þá væri maður þó að eignast eitthvað, þótt það taki að sjálfsögðu langan tíma.
Ég ásamt móður minni fórum því á stúfana og athuguðum þessi mál öll. Kemur þá í ljós heldur döpur staðreynd, nefnilega að íbúðalánasjóður lánar ekki 90 % lán, sem er grundvöllur þess að hægt sé að kaup íbúð í mínu tilviki, heldur einungis 70 % og ástæðan er sú að ég er ekki orðinn 23 ára gamall! Vegna hárra vaxta borgar það sig engan veginn að taka lán í banka fyrir 20-30 % á móti 70 % láninu og ekki fæ ég námslán sem vega þetta upp. Fékk ég reyndar þær upplýsingar í gær að einhver stofnun í Kópavogi lánar þér viðbótarlán, þ.e. frá 70 % uppí 90 % en það er í sjálfu sér aukaatriði, því ég er einungis að fjalla um Reykjavík.
Niðurstaðan er því sú að maður er hreinlega neyddur til að fara að leigja í 3 ár sem myndi kosta 1.350.000 krónur sé miðað við 50.000 króna leigu á mánuði í 9 mánuði á ári.
Og áður en ég held lengra ætla ég að setja fram þrjá punkta.
• Krakkar sem eiga heima í Reykjavík geta farið strax í háskóla því þeir halda bara áfram að hafa það gott hjá sínum foreldrum.
Krakkar sem koma utan af landi þurfa oftast að vinna í 1-2 ár bara til þess að geta lifað fyrstu árin í námi!
• Krakkar sem eiga heima í Reykjavík þurfa ekki einu sinni að taka sér námslán (eða amk mjög lág lán) vegna þess að þau geta haldið áfram að lifa á heimili sínu.
Krakkar sem koma utan af landi þurfa mjög há námslán því auk þess að þurfa að koma sér þaki yfir höfuðið þá þurfa þau að sjá fyrir sér algerlega sjálf.
• Krakkar sem eiga heima í Reykjavík þurfa ekki að hafa neinar áhyggjur af því að kaupa sér húsnæði meðan á náminu stendur. Þeir halda bara áfram að búa hjá foreldrum sínum.
Krakkar sem koma utan af landi þurfa að leigja í 3 ár því þeim er meinað að fá lán til þess að kaupa sér íbúð sem er mun mun betri og ódýrari kostur! Ef við miðum við að leigan á mánuði sé 50.000 krónur sem er mjög eðlileg tala þá erum við að tala um 1.350.000 kr. sé miðað við að leigt sé í 9 mánuði á ári. Þessir peningar eru horfnir og gætu svo sannarlega komið sér vel þegar námsmaðurinn LOKSINS GETUR keypt sér íbúð 23 ára að aldri.
Nú er það þannig að ég er Sjálfstæðismaður. Er ég í stjórn Eyverja, félags ungra Sjálfstæðismanna hér í Vestmannaeyjum og sit auk þess í Fulltrúaráði flokksins hér í Eyjum. Upphafleg ástæða þess að ég fór að styðja flokkinn var sú að ég kom mér inní bæjarmálin fyrir u.þ.b. tveimur árum síðan og sá þá að ég átti samleið með Sjálfstæðisflokknum, án nokkurs vafa. Einnig styð ég flokkinn vegna þeirrar grunnstefnu sem hann stendur fyrir og auk þess hefur flokkurinn áorkað gífurlega mörgum og góðum verkum. Er ég hins vegar langt í frá að vera sammála flokknum í öllu og hef ég oft spurt mig þeirrar spurningar, hvers vegna er ég að styðja þennan flokk? Ber þar helst að nefna kvótakerfið, samgöngumálin hér í Eyjum, sem þér að segja eru bara hreinn og klár brandari eða þ.e.a.s. samgöngur frá Eyjum og uppá fastalandið og fleira mætti nefna varðandi skertan hlut okkar Eyjamanna og landsbyggðarfólks yfirhöfuð. Ætla ég þó ekki að fara neitt nánar út í þau mál.
Eitt sem ég er einnig gríðarlega ósáttur við, og hreinlega svo ósáttur að það gnístir mig inn að beini, er það óréttlæti sem við námsmenn utan af landi þurfum að sætta okkur við. Ef þú horfir bara á þessa þrjá punkta sem ég ritaði hér fyrir ofan, þá langar mig að spyrja þig, herra menntamálaráðherra, finnst þér þetta sanngjarnt? Finnst þér þetta réttlæti? Það liggur við að ég haldi að þetta sé gert til þess að fæla krakka utan af landi til að fara í háskólanám. Þótt þetta virðist vera heimskuleg hugsun þá get ég a.m.k. ekki fundið neina aðra skýringu á þessu. Ég veit um fólk sem hefur snúið hingað heim eftir háskólanám, svoleiðis stútfullt af skuldum vegna þeirra háu námslána sem fólk utan af landi þarf að taka, að það er að borga fleiri fleiri sólarlandaferðir á ári í afborganir af þessum námslánum. En með því er ég ekki að segja að fólk á höfuðborgarsvæðinu taki ekki námslán, alls ekki. Og þrátt fyrir allt þá er öll þessi skuldsetning fyllilega þess virði, því menntun er auðvitað ekkert annað en fjárfesting. En af hverju þarf að vera svona mikið misrétti milli höfuðborgar og landsbyggðar?
Mér finnst þetta hreinlega alveg með ólíkindum ef ég á að segja eins og er og þetta er nákvæmlega eitt af þessum málum sem fær mann í fullri alvöru til að hugsa hvers vegna ég sé að styðja þennan flokk?
Sjálfstæðismenn eru sífellt að tala um það hvað landsbyggðin eigi mikið undir högg að sækja og að það þyrfti að styrkja byggðirnar úti á landi og þótt þessi breyting (ef hún einhvern tímann myndi verða) muni kannski ekki beint styrkja byggðirnar úti á landi en þá munu námsmenn utan af landi þó færast nær því að sitja við sama borð og námsmenn í höfuðborginni sem þeir eiga að sjálfsögðu fullan rétt á.
Mér langar því að vita hvort það sé einhver möguleiki á að breyta þessu, þ.e. að námsmönnum sé gert kleift að kaupa sér íbúð 20 ára í stað 23 ára. Ég get ekki séð að það þjóni neinum tilgangi að hafa “aldurstakmarkið” 23 ára. Eina sem þetta hefur í för með sér er misrétti, misrétti sem á ekki að lýðast í þessu lýðræðislega þjóðfélagi þar sem menntun er hornsteinn framfara og allir eiga að hafa sama rétt til náms.

Með von um skýr svör.
Kær kveðja:
Einar Hlöðver Sigurðsson

2003-03-23T19:25:00.001Z

Ég í hnotskurn?
"já einar hlöðver er gamall bekkjarbróðir og félagi við vorum saman i bekk i nokkur ar og hafði eg gaman að því hann er mikið fyrir skólabókina annað enn ég meðan hann las laxnes þá las ég Morgan Kane ,hann var einn af okur félugunum sem voru i klíkuni Deuce þegar við vorum 13 ára !...hann er fótboltamaður og er sem klettur i vörnini minnir mann helst á sjálfan jaap stam .hann er snarruglaður í skapinu og hef ég séð hann berja þá nokkra m.a sigga inga í leikfimi í 7 bekk her forðum daga.einnig tók hann þátt í einum slagsmálum í hinum vinsælu slagsmáladögum sem voru mánudagar eftir leikfimi....man bara ekki hvern hann barði...en við höfum einnig nokkrum sinnum lent upp a kant við hvorn annan annað hvort út af enska boltanum eða eitthverju öðru en það er bara fyllerísrugl sem við höfum bara gaman að ...já einar er drengur góður sem reprisentar Snoop dog !endilega kíkjið á síðuna hans skemmtilega pælingar þar í gangi!!"

2003-03-23T19:25:00.000Z

Solla bolla og Árni ekkert nema pappakassar??
Jæja þá er ég mættur aftur eftir stutt hlé vegna vinnu í loðnunni í Vinnslustöðinni. Smá pása er komin vegna þess að það er hreinlega allt búið og er verið að bíða eftir því að klárað verði að landa úr skipunum og svo þarf að þrífa hrognin og eitthvað fjör. Svo vonandi verður bara keyrt á þetta fljótlega. Versta bara hvað er djöfulli lengi verið að landa þessum hrognum.
En ég skrapp aðeins til Rvk á föstudaginn og kepptum við tvo leiki, á fös og lau. Töpuðum fyrir Fylki 1-0 á fös í ágætum leik þar sem við vorum síst lakari aðilinn. Unnum svo b-lið Þróttar í gær 4-2 en við vorum með hálfgert b-lið líka.
Var að horfa á Sverri Hermannsson fyrrverandi formann Frjálslynda flokksins í sjónvarpinu og hann sagði að Sólveig Pétursdóttir dómsmálaráðherra væri ekkert annað en papparáðherra! Góður Sveppi! Ég er mjög sáttur við Frjálslynda flokkinn í sambandi við fiskveiðistjórnunarstefnu þeirra þótt ég hafi ekki kynnt mér stefnuna nákvæmlega þá líst mér vel á hana við fyrstu sýn. Og ekki skemmir fyrir að þeirra tillögur byggja á kerfi sem Færeyingar tóku upp fyrir nokkru síðan sem hefur gerbylt þeirra kerfi og hefur ekkert nema gott leitt af því. Þetta kvótakerfi allt saman er auðvitað hreinn brandari þótt ýmsar hliðar á því geti verið góðar. Fékk ég upplýsingar um það áðan að 10 fyrirtæki í landinu eiga núna 50 % af öllum kvóta Íslendinga! Það sér það hver heilbrigður maður að þetta er ekki rétt og er bara hreinasta vitleysa. Og ef ekkert verður að gert þá mun þetta bara versna með árunum og enda með því að nokkur fyrirtæki eiga hreinlega alla auðlindina. Breytinga á þessu kerfi er því brýn nauðsyn og treysti ég því og trúi að eftir að Sjálfstæðisflokkurinn hefur unnið sigur í kosningunum í vor, munu þeir henda pappakassanum Árna M. Mathiesen beint á ruslahaugana, og fá sér almennilegan sjávarútvegsráðherra sem mun taka á þessum málum.

2003-03-23T19:24:00.003Z

Vinna Vinna..
Er á fullu í loðnu og því verður ekki bloggað mikið næstu daga... peace

2003-03-23T19:24:00.002Z

Baugur að reyna að múta forsætisráðherranum!
Dabbi Kóngur sagði í morgun að Hreinn Loftsson hafi á fundi með sér fyrir ári síðan komið með boð frá Jóni Ásgeiri forstjóra Baugs á þeim tíma, uppá 300 milljónir fyrir það eitt að Dabbi myndi láta Baug í friði! Hvað er í gangi!! Og hvað haldiði: vinstri menn ýja að því að Dabbi sé að ljúga! Halda menn virkilega að Dabbi fari að búa til eitthvað svona? Ég ætla amk að vona að svo sé ekki....

2003-03-23T19:24:00.001Z

Skrýtið...
Ef að Jón Jónsson segir einhverja setningu og þú ert sammála og notar þessa sömu setningu ertu þá ekki að mynda þér þína eigin skoðun? Sumir vinstri menn vilja meina að ef þú notar setningu sem einhver annar hefur sagt áður þá sértu ekki að mynda þér þína eigin skoðun???? Hvað segið þið hin??

2003-03-23T19:24:00.000Z

Enn af Tælendingum...
Mín fyrsta reynsla af Tælendingum var ekki góð eins og ég kom inná hér neðar í pistlinum "Rvk oged". Nú rakst ég á mjög svo skemmtilega frétt um Tælendinga á vefsíðu independent blaðsins í Bretlandi. Þannig er að nokkrir tugir tælenskra kvenna eru á námskeiðum þar sem þeim er kennt að slá í brjóstin á sér! Þetta á víst að hafa þau áhrif að stækka brjóstin og er tilgangur námskeiðsins auðvitað sá að stækka tútturnar á kellunum auk þess að auka sjálfstraust þeirra! Og eftirspurnin virðist líka vera góð því 100 konur sóttu um 40 pláss á þessu námskeiði þannig að greinilegt er að það verða fleiri námskeið. Og ekki nóg með það heldur er þetta námskeið kostað af tælenska ríkinu!! Jæja vestmannaeyskar og íslenskar konur: nú er um að gera að fara að slá í brjóstin!

2003-03-23T19:23:00.002Z

Sigum Jacko the Wacko á Satan Hussein!
Já, kaninn klikkar ekki!! Hernaðarsérfræðingar hafa reiknað út að stríð í Írak muni kosta í kringum 98 milljarða bandaríkjadala eða 7840 milljarða íslenskra króna. Í milljónum er þessi upphæð 7840000000000 !! Hugsið ykkur! Þetta er í kringum 40föld fjárlög íslenska ríkisins! En nú hafa hernaðarsérfræðingar fundið nýtt vopn í baráttunni. Bara beita furðuverunni Michael Jackson á Saddam !!! Það er svo til ókeypis og mun örugglega virka vel!

2003-03-23T19:23:00.001Z

Er nuna i Reykjavik heima hja Haffa kaffa giraffa eda odru nafni Rocco. Er hann med lyklabordid sitt stillt a helvitis norsku og tad vill ekki breytast yfir a islensku! Helvitis norsara djofullinn. Var ad eta a Nudluhusinu sem er taelenskur veitingastadur og afgreidslustelpan var eins og send ur himnariki hun var svo guddomlega falleg. En alveg typiskt med fallegar stelpur ta var hun ogedslega leidinleg og donaleg. Tegar vid komum inn ta voru nokkur laus bord og vid spyrjum stelpukvikindid hvort tad seu ekki orugglega laus bord, ef ske kynni ad allt vaeri kannski upppantad. Hun svarar: "Synist ter tad ekki" og brosti ekki einu sinni! Svo tegar vid forum ta tokkudum vid fyrir okkur og hun horfdi a okkur med fyrirlitningasvip og sagdi ekkert!! Djofuls stelpukindin. Eg fer aldrei aftur a Nudluhusid tvi auk tess ad hafa donalegan afgreidslumann ta var maturinn sem eg pantadi ogedslegur hrabjodur! Erum ad skella okkur i bio a eftir a myndina Catch me if you Can med Di Caprio og Tom Hanks, hef tru a ad hun se nokkud nett. En annars ta vorum vid i IBV ad spila vid Viking i deildarbikarnum og unnum eitt null tratt fyrir ad vera einum faerri i 60 minutur og tveimur faerri i 20 minutur! Hinn stormyndarlegi markvordur Birkir Kristinsson gerdi ser litid fyrir og vardi viti tegar 10 minutur voru eftir! En eins og alltaf ta suckar Reykjavikdrulla.

2003-03-23T19:23:00.000Z

Pentagon rusl
Djöfull er þetta pentagon blogg ógeðslega leiðinlegt maður. Þetta er svo hægvirkt að maður gæti ælt þegar maður ætlar að opna einhverja síðu sem er á þessum server. Og ekki nóg með það þá kemur upp einhver andskotans auglýsing þegar maður er að bíða eftir að síðurnar lódist. Pentagon sleikir dauðan svínsrass

2003-03-23T19:22:00.001Z

Bloggari dagsins
Endilega kíkið á bloggarann siðprúða og hárfagra Bogga Skeleton sem á einni fyndnustu mynd sem hefur verið tekin af honum leit alveg út eins og Skeleton í He-Man þáttunum. Hann Skeleton er algjör snillingur, smellið --> hér <--

2003-03-23T19:22:00.000Z

Eru vinstri menn ekkert nema málefnalaus froða?
Þetta er spurning sem brennur á vörum margra þessa dagana og er ekki að undra. Ingibjörg "Gróa á leiti" Sólrún hefur undanfarnar vikur talað opinskátt um hin og þessi mál og farið mikinn. Hefur hún minnst á óeðlileg ríkisafskipti af fyrirtækjum þegar staðreyndirnar sýna að ríkisafskipti hafi aldrei verið eins lítil og nú. Gott dæmi um hve asnalegur þessi málflutningur Ingibjargar er að t.d. börðust Alþýðuflokkurinn og Alþýðubandalagið hér í den með kjafti og klóm gegn sölu eignarhluts ríkisins í viðskiptabönkunum á meðan Sjálfstæðisflokkurinn lagði mikið kapp, árum saman, á að selja. Svo núna talar Samfylkingin um að Sjálfstæðisflokkurinn sé að hafa óeðlileg afskipti af atvinnulífinu! Þetta er auðvitað bara hrein og klár móðgun við kjósendur og sýnir kannski best málefnafátækt Samfylkingarinnar.
Hefur einhver orðið var við stefnu Samfylkingarinnar í komandi kosningum? Hefur einhver orðið var við þá stefnu sem Ingibjörg Gróa ætlar að beita og fara eftir? Hefur einhver séð þær lausnir og úrbætur sem Ingibjörg hyggst beita ef hún kemst til valda? Nei, ég hef ekki orðið var við það sem og enginn í þessu ágæta landi okkar. Því staðreyndin er sú að málefnafátæktin er svo mikil að ekkert annað er að gera fyrir Rauðstakkana en að níðast á andstæðingunum með kjafti og klóm.
Þetta er ekki ósvipað og hefur verið að gerast á okkar undurfagra eyjaklasa, Vestmannaeyjum. Hér hefur V-listinn með Lúðvík Bergvinsson í broddi fylkingar skipulagt beitt sér gegn Sjálfstæðisflokknum og þá aðallega Guðjóni Hjörleifssyni til að reyna að gera störf hans tortryggileg. Hefur umfjöllun minnihlutans um Þróunarfélag Vestmannaeyja verið hreint með ólíkindum og öllum brögðum beitt. Hafa menn ekki hikað að beita fyrir sig lygum og rógburði. En til hvers? Jú, til þess að fá þig, kjósandi góður, til að kjósa Lúðvík í stað Guðjóns í Alþingiskosningunum í vor. Nákvæmlega það sama og Samfylkingarforustan er að reyna að gera í landsmálunum, fá kjósendur til að kjósa Ingibjörgu (Samfylkinguna) í stað Sjálfstæðisflokksins (Davíðs). Menn segja að svona sé pólitíkin og s.frv. En mér finnst þetta ekki pólitík. Ég er enginn stjórnmálafræðingur en mér finnst pólitík ekki vera það að beita rangfærslum og oft á tíðum hreinum lygum til að koma höggi á andstæðinginn þar sem málefnalegar umræður fá að fjúka út í veður og vind. Er von að menn velti fyrir sér hvort þetta sé hreinlega ekki heilaþvottur?
Ef Lúðvík Bergvinsson oddviti V-listans á einhvern tímann eftir að sjá þessi orð þá hugsar hann eflaust: "Hvað er þessi strákasni að skipta sér af þessum málum? Hann hefur ekki hundsvit á pólitík". Og ef einhver sem hefur lítið vit á stjórnmálum sér þetta hugsar sá eflaust: "Auðvitað segir hann þetta af því hann er blár". En staðreynd málsins er sú, að burtséð frá því hvort þú ert strákasni, Sjálfstæðismaður eða hreinlega vinstri maður, þá hefur öllum þeim sem hafa kynnt sér málefni Þróunarfélagsins og vinnubrögð V-listans í því máli (og vilja viðurkenna þau), hreinlega blöskrað, sem og yfir vinnubrögðum Ingibjargar Sólrúnar síðustu vikur þar sem hún hefur látið stjórnast af sögusögnum sem hafa sprottið upp í hennar eigin flokki.
Og eitt er víst, ef Sjálfstæðisflokkurinn mun einhvern tímann taka upp þvílík vinnubrögð sem V-listinn og Samfylkingin hafa viðhaft síðustu vikur og mánuði þá farvel frilla mín og bone apetit.

2003-03-23T19:21:00.001Z

Klikkaður
Ég held ég sé að verða eitthvað klikkaður. Í gærmorgun vaknaði ég klukkan kortér í sjö og skutlaði kellu í vinnu. Átti ég svo að fara í skólann klukkan átta en nennti því ekki og ætlaði bara að taka næsta tíma klukkan 11:15. Í stað þess að fara að sofa þegar ég kom heim eftir að hafa skutlað kellu í vinnu, þá kveikti ég á sjónvarpinu og fór að horfa á Ísland í bítið!! Núna í morgun, vaknaði ég aftur klukkan kortér í sjö og skutlaði kellu í vinnu. Á svo að fara í skólann klukkan 10:15 en í staðinn fyrir að fara að sofa þá kom ég heim og fór að horfa á Ísland í bítið!! Og er bara vakandi ennþá... ætli maður sé orðinn klikkaður? bling bling

2003-03-23T19:21:00.000Z

Bloggarinn
Já einn af mínum uppáhaldsbloggurum er enginn annar en tottenham tröllið og sjóarinn frá vestur Áshamarsblokkum, Magni Jr. Endilega kíkið á hann, hann er hér til hægri í bloggarasafninu. Birti hér smá hugleiðingu hans um Írak og allt það klabb.
"ég mundi ekki nenna að fara að eyða milljörðum i stríð frekar mundi ég gefa öllum fátæklingum útigöngsmönnum úrhrökum og rónum smá pening !!!!!ef ég væri bush þá mundi ég bara bjóða SATAN hussein í hvíta húsið í vindill og konna !svo mundi ég kíkja með hann á eitthvern KLúBB og láta greyið mannin fá sér að ríða og fara svo með hann i disney og tívolí dagin eftir og svo i eitthvad risamoll og leifa honum að eiga það sem hann vildi þar inni!hugsa að skoðun SATANS a AMERíKU mundi breytast eftir nokkra skemmtilega daga i USA !en hvad veit ég !eitthver sjóaradj0full fra islandi?"